గూగుల్​ ఉద్యోగుల జీతాల లెక్కలు లీక్.. ఒక్కొక్కరికి ఎన్ని రూ.కోట్లు ఇస్తున్నారంటే..

Google Highest Salary : ప్ర‌ముఖ టెక్ కంపెనీ గూగుల్ కంపెనీలో పనిచేసే ఉద్యోగుల జీతం వివరాలు లీక్ అయ్యాయి. గూగుల్​లో ఏ ఉద్యోగికి అత్యధిక జీతం ఇస్తారో, సాఫ్ట్​వేర్ ఉద్యోగి సగటు వేతనం ఎంతో తెలుసా?

Google Employees Salary Leaked : దిగ్గజ సంస్థ గూగుల్​లో ఉద్యోగం అంటే ప్రత్యేకంగా చెప్పనక్కర్లేదు. ఆ సంస్థలో పనిచేసే ఉద్యోగులకు నెలకు రూ.లక్షల్లో జీతం, విలాసవంతమైన జీవితం ఉంటుందని అనుకుంటారు. తాజాగా గూగుల్​లో పనిచేసే ఉద్యోగుల జీతం లెక్కలను అమెరికాకు చెందిన బిజినెస్ ఇన్​సైడర్ అనే వెబ్​సైట్ లీక్ చేసింది. 2022లో గూగుల్ ఉద్యోగుల సగటు వేతనం 279,802 అమెరికన్ డాలర్లు (భారత కరెన్సీలో రూ.2.30 కోట్లు) అని వెల్లడించింది.

Google Highest Salary : ముఖ్యంగా సాఫ్ట్‌వేర్ ఇంజనీర్లు.. గూగుల్​లో అత్యధికంగా జీతాన్ని తీసుకుంటున్నారు. ఆ తర్వాత బిజినెస్ అనలిస్ట్​లు, సేల్స్ డిపార్ట్​మెంట్ ఉద్యోగులు ఉన్నారని బిజినెస్ ఇన్​సైడర్ తెలిపింది. 2022కు సంబంధించి గూగుల్‌లో వేర్వేరు విభాగాల్లో ఉద్యోగులకు ఇస్తున్న అత్యధిక వార్షిక వేతనం వివరాలు ఇలా ఉన్నాయి..

• సాఫ్ట్‌వేర్ ఇంజనీర్ (రూ. 5.90 కోట్లు)
• ఇంజినీరింగ్ మేనేజర్ (రూ. 3.28 కోట్లు)
• ఎంటర్‌ప్రైజ్ డైరెక్ట్ సేల్స్ (రూ. 3.09 కోట్లు)
• లీగల్ కార్పొరేట్ కౌన్సెల్ (రూ. 2.62 కోట్లు)
• సేల్స్ స్ట్రాటజీ (రూ. 2.62 కోట్లు)
• ప్రభుత్వ వ్యవహారాలు అండ్ పబ్లిక్ పాలసీ (రూ. 2.56 కోట్లు)
• రీసెర్చ్ సైంటిస్ట్ (రూ. 2.53 కోట్లు)
• క్లౌడ్ సేల్స్ (రూ. 2.47 కోట్లు)
• ప్రోగ్రామ్ మేనేజర్ (రూ. 2.46 కోట్లు)

అలాగే 2022లో ది వాల్ స్ట్రీట్ జర్నల్ ప్రచురించిన కథనం ప్రకారం.. 300,000 అమెరికా డాలర్లు(రూ.2.45 కోట్లు) సగటు వేతనం ఇచ్చే కంపెనీగా మెటా నిలిచింది. గూగుల్ మాతృ సంస్థ ఆల్ఫాబెట్​ 280,000 అమెరికా డాలర్లు( రూ.2.30 కోట్లు) సగటు జీతంతో మూడో స్థానంలో నిలిచింది.

భారత్​లో అత్యధిక జీతం సంపాదిస్తున్నదెవరంటే?
C Vijayakumar Salary : భారతదేశంలో అత్యధిక జీతం సంపాదించే వారు చాలా మంది ఉన్నారు. కొందరు రోజుకు వందల్లో సంపాదిస్తే.. మరికొందరు వేలల్లో, ఇంకొందరు లక్షల్లో సంపాదిస్తారు. విదేశాల్లోనే కాదు మన దేశంలో కూడా రోజుకు లక్షల్లో సంపాదించే ఉద్యోగులు ఉన్నారు. అయితే తమిళనాడు చెందిన సి. విజయ్​ కుమార్​ అనే వ్యక్తి మాత్రం రోజుకు ఏకంగా రూ.36 లక్షలు సంపాదిస్తున్నారు. దీంతో ఆయన దేశంలోనే రోజుకు అత్యధిక జీతం పొందుతున్న ఉద్యోగిగా నిలిచారు. ప్రస్తుతం ఆయన ప్రముఖ కంపెనీ హెచ్​సీఎల్​ టెక్​లో సీఈఓ, మేనేజింగ్​ డైరెక్టర్​గా బాధ్యతలు నిర్వర్తిస్తున్నారు. మొత్తంగా విజయ్ కుమార్​ వార్షిక ఆదాయం రూ.130 కోట్లు. ఈ పూర్తి వార్త కోసం ఇక్కడ క్లిక్ చెయ్యండి.

• ఇవీ చదవండి: