Gold Rate Forecast : పసిడి ధరలు దిగివస్తున్న వేళ... బంగారం కొనాలా? వద్దా?

Gold Rate Forecast : బంగారం, వెండి ధరలు క్రమంగా తగ్గిపోతున్నాయి. పెరుగుతున్న ద్రవ్యోల్బణం, అమెరికా ఫెడరల్ బ్యాంకు​ వడ్డీ రేట్లు పెంచనుందనే అంచనాల నడుమ పసిడి, వెండి ధరలు క్రమంగా క్షీణిస్తున్నాయి. ఈ నేపథ్యంలో ప్రస్తుతం బంగారం లాంటి విలువైన లోహాలను కొనాలా? వద్దా? అనేది చూద్దాం.

Gold Rate Forecast : బంగారం విలువ రోజురోజుకూ తగ్గిపోతోంది. అమెరికన్​ ఫెడరల్​ బ్యాంకు వడ్డీ రేట్లు పెంచవచ్చనే అంచనాలతో పాటు, డాలర్​ విలువ పెరుగుతుండడం కూడా పసిడి ధరలు గత వారం భారీగా తగ్గడానికి కారణం. వాస్తవానికి బంగారం ధరలు మూడు నెలల కనిష్ఠ విలువకు పడిపోయాయి. ఎందుకంటే ఇప్పటికీ ఇన్వెస్టర్లు అమెరికన్ డాలర్​ను ఒక మంచి ఆసెట్​గా భావిస్తూ ఉండడమే. 2023 ఆగస్టు గోల్డ్​ ఫీచర్​ కాంట్రాక్ట్​​ గడువులో.. 10 గ్రాముల బంగారం ధర రూ.58,300 వద్ద ముగిసింది. అయితే ఎమ్​సీఎక్స్​లో కిలో వెండి ధర రూ.68,085గా ఉంది.

పసిడి ధరలు తగ్గడానికి కారణం ఏమిటి?
Gold Price Falls Down Reasons : పెరుగుతున్న ద్రవ్యోల్బణాన్ని ఎదుర్కోవడానికి బ్యాంక్​ ఆఫ్​ ఇంగ్లాండ్​ వడ్డీ రేట్లు బాగా పెంచింది. దీనికి తోడు డాలర్​ ఇండెక్స్​ కూడా ఒక వారం గరిష్ఠ స్థాయికి చేరుకుంది. దీని వల్ల మదుపర్లకు బంగారంపై ఆసక్తి తగ్గింది. అలాగే నార్వే, స్విట్జర్లాండ్​, టర్కీలకు చెందిన కేంద్ర బ్యాంకులు రుణాలపై వడ్డీలను పెంచాయి. అమెరికన్​ ఫెడరల్​ బ్యాంక్​ కూడా ఈ సంవత్సరం ముగిసేలోపు మరో రెండు సార్లు వడ్డీ రేట్లు పెంచే అవకాశం ఉన్నట్లు సంకేతాలు ఇచ్చింది. ఇవన్నీ కూడా పసిడి విలువలు క్షీణించడానికి కారణం అయ్యాయని ఆర్థిక నిపుణులు విశ్లేషిస్తున్నారు.

వడ్డీ రేట్లు పెరిగితే..
Gold price Vs Fed Rate : ప్రస్తుతం అంతర్జాతీయ మార్కెట్​లో బంగారం ధరలు మద్దతు ధర కంటే కిందకు పడిపోయాయి. కీలక మద్దతు స్థాయిలు.. ఔన్స్​ బంగారం ధర సుమారుగా 1,935 డాలర్లు, 10 గ్రాముల బంగారం ధర రూ.59,200 కంటే పసిడి ధరలు కిందకు పడిపోయాయి. కానీ తరువాత కొంత వరకు పసిడి ధరలు రికవర్​ అయ్యాయి. దీనికి కారణం అమెరికా ఆర్థిక వృద్ధిపై ఆందోళనలు ఉండడం. అలాగే యూఎస్​లోని ప్రైవేట్​ సెక్టార్​ కంపెనీల ఆర్థిక వృద్ధి ఆశాజనకంగా ఉండకపోవడం వల్ల కొంత వరకు బంగారం వంటి సురక్షిత ఆస్తులకు డిమాండ్ పెరిగింది. కానీ యూఎస్ ఫెడరల్​ రిజర్వ్​ బ్యాంకు వడ్డీ రేట్ల పెంపు, యూఎస్ కోర్​ పీసీఈ ప్రైస్​ ఇండెక్స్​ ప్రభావం బంగారం ధరలపై ప్రభావం చూపే అవకాశం ఉంది అని ఆర్థిక నిపుణులు అంచనా వేస్తున్నారు.

పసిడి విలువ మరింత తగ్గే అవకాశం
సమీప భవిష్యత్​లో బంగారం, వెండి ధరలపై మరింత ఒత్తిడి కొనసాగే అవకాశం ఉందని ఆర్థిక నిపుణులు అంచనా వేస్తున్నారు. ఆర్థికంగా బలంగా ఉన్న దేశాలన్నీ కఠినమైన ద్రవ్య విధానాన్ని అనుసరించడానికే మొగ్గు చూపుతున్న వేళ.. బంగారం, వెండి ధరలు మరింత తగ్గే అవకాశం ఉంటుందని స్పష్టం చేస్తున్నారు.

యూరప్​, యూఎస్​ కేంద్ర బ్యాంకులు ఊహించిన విధంగానే వడ్డీ రేట్లు పెంచితే.. కచ్చితంగా ఆ ప్రభావం బంగారం, వెండి లాంటి విలువైన లోహాలపై, ఇండస్ట్రియల్​ మెటల్స్​పై, క్రూడ్​ ఆయిల్​ ధరలపై కచ్చితంగా ఉంటుంది. కనుక వీటి ధరలు మరింత క్షీణించిపోయే అవకాశం ఉంటుందని నిపుణులు భావిస్తున్నారు.

బ్యాంక్​ ఆఫ్​ ఇంగ్లాండ్​ 50 బేసిస్​ పాయింట్ల మేరకు వడ్డీ రేట్లు పెంచడం వల్ల ఇప్పటికే అంతర్జాతీయ మార్కెట్​లో బంగారం ధరలు బాగా క్షీణించాయి. త్వరలో యూఎస్​ ఫెడ్​ సహా మిగతా దేశాల కేంద్ర బ్యాంకులు కూడా వడ్డీ రేట్లు పెంచే దిశలో అడుగులు వేస్తున్నారు. కనుక సమీప భవిష్యత్​లో బంగారం, వెండి ధరలు మరింత తగ్గే అవకాశం ఉంది.

బంగారం కొనాలా? వద్దా?
Gold Price Outlook : ప్రస్తుతం అంతర్జాతీయ మార్కెట్​లో 1935 డాలర్ల వద్ద బంగారానికి మద్దతు ధర ఉంది. కానీ ఈ మద్దతు ధరను బ్రేక్​ చేస్తూ బంగారం విలువ రూ.1905 వరకు పడిపోయింది. అలాగే కిలో వెండి ధర సపోర్ట్ ప్రైస్​ 23 డాలర్ల నుంచి 22 డాలర్లకు తగ్గిపోయింది.

ఆర్థిక నిపుణుల ప్రకారం, దీర్ఘకాలానికి బంగారంపై ఇన్వెస్ట్​మెంట్​ చాలా మంచి ఎంపిక అవుతుంది. అయితే ప్రస్తుతం దిగి వస్తున్న బంగారం ధరలు కూడా సమంజసంగానే ఉన్నాయి. ఇక్కడి నుంచి కూడా బంగారం ధరలు మరింత తగ్గి 10 గ్రాముల పసిడి ధర రూ.57,500 నుంచి రూ.57,350 వరకు చేరుకునే అవకాశం ఉంది. ఒకవేళ 10 గ్రాముల బంగారం ధర రూ.59,500 దాటితే.. అది అప్​ట్రెండ్​ను సూచిస్తుంది. ఏదిఏమైనా అమెరికా మొదటి త్రైమాసిక జీడీపీ వివరాలు, పీసీఈ ప్రైస్​ ఇండెక్స్ ఫలితాల ఆధారంగా.. సమీప భవిష్యత్​లో బంగారం, వెండి ధరలు ఏవిధంగా ఉంటాయో తెలుస్తుంది.

భారత మార్కెట్​లో బంగారం ధరలు

• Gold Price in Hyderabad : హైదరాబాద్​లో పది గ్రాముల 24 క్యారెట్​ బంగారం ధర రూ.60,250 గా ఉంది. కిలో వెండి ధర రూ.70,283గా ఉంది.
• Gold Price in Vijayawada : విజయవాడలో పది గ్రాముల పసిడి ధర రూ.60,250గా ఉంది. కిలో వెండి ధర రూ.70,283గా ఉన్నది.
• Gold Price in Vishakhapatnam : విశాఖపట్నంలో 10 గ్రాముల పుత్తడి ధర రూ.60,250గా ఉంది. కిలో వెండి ధర రూ.70,283గా ఉంది.
• Gold Price in Proddatur : ప్రొద్దుటూరులో 10 గ్రాముల పసిడి ధర రూ.60,250గా ఉంది. కిలో వెండి ధర రూ.70,283గా ఉన్నది.

• ఇవీ చదవండి :