Flipkart new membership program 2023 : ప్రముఖ ఈ-కామర్స్ దిగ్గజం ఫ్లిప్కార్ట్ తన యూజర్ బేస్ను మరింత పెంచుకునేందుకు సన్నాహాలు చేస్తోంది. అందులో భాగంగా 'ఫ్లిప్కార్ట్ ప్లస్ ప్రీమియం మెంబర్షిప్' పేరుతో సరికొత్త సర్వీస్ను ప్రారంభిస్తోంది. ఈ నయా మెంబర్షిప్ ప్లాన్ ద్వారా తన యూజర్లకు అదిరిపోయే ఆఫర్లు, బెనిఫిట్స్ అందించనుంది.
పూర్తి ఉచితంగా!
Flipkart plus premium membership 2023 : ఫ్లిప్కార్ట్ ప్లస్ ప్రీమియం మెంబర్షిఫ్ పొందడానికి ఎలాంటి రుసుము చెల్లించాల్సిన అవసరం లేదు. ఈ ప్రీమియం మెంబర్షిప్ను పూర్తి ఉచితంగా అందిస్తున్నట్లు ఈ-కామర్స్ దిగ్గజం ఫ్లిప్కార్ట్ స్పష్టం చేసింది. ప్రస్తుతం ఉన్న ఫ్లిప్కార్ట్ ప్లస్ ప్రోగ్రామ్ కంటే.. దీనిలో కస్టమర్లకు మరిన్ని అదనపు ఆఫర్లు, బెనిఫిట్స్ లభిస్తాయని పేర్కొంది. మరో రెండు వారాల్లో దీనికి సంబంధించిన పూర్తి వివరాలు వెల్లడికానున్నట్లు సమాచారం.
ఫ్లిప్కార్ట్ బిగ్ సేవింగ్ డే సేల్స్
Flipkart big saving days 2023 : ఫ్లిప్కార్ట్ త్వరలో బిగ్ సేవింగ్ డేస్ సేల్ను ప్రకటించనుంది. ఈ నేపథ్యంలో ఈ కొత్త మెంబర్షిప్ ద్వారా కొత్త యూజర్లను ఆకర్షించి, తన అమ్మకాలు పెంచుకోవాలని ఫ్లిప్కార్ట్ భావిస్తోంది.