FD Rates For Senior Citizens : సీనియర్​ సిటిజన్స్​కు గుడ్​న్యూస్​.. ఫిక్స్​డ్​ డిపాజిట్లపై 9.1% వడ్డీ!

FD Rates For Senior Citizens In Telugu : సీనియర్ సిటిజన్స్ సాధారణంగా​ గ్యారెంటీగా స్థిర ఆదాయం ఇచ్చే ఫిక్స్​డ్​ డిపాజిట్స్​ వైపు మొగ్గుచూపుతుంటారు. అందుకే వీరిని లక్ష్యంగా చేసుకొని.. పలు చిన్న ప్రైవేట్​ బ్యాంకులు, స్మాల్​ ఫైనాన్స్ బ్యాంకులు ఫిక్స్​డ్​ డిపాజిట్లపై అత్యధిక వడ్డీ రేట్లు అందిస్తున్నాయి. అవి ఏమిటో తెలుసుకుందామా?

FD Rates For Senior Citizens : ఫిక్స్​డ్ డిపాజిట్లలో పెట్టుబడి పెట్టడానికి ఇష్టపడే సీనియర్​ సిటిజన్స్​కు బంపర్​ బొనాంజా. స్మాల్​ ఫైనాన్స్ బ్యాంకులు, చిన్న, కొత్త ప్రైవేట్​ బ్యాంకులు సీనియర్ సిటిజన్లకు మూడేళ్ల పైబడిన ఫిక్స్​డ్​ డిపాజిట్లపై 9.1 శాతం వరకు వడ్డీ రేట్లు అందిస్తున్నాయి. వాస్తవానికి పెద్దవారు ఈ ఫిక్స్​డ్​ డిపాజిట్లలో పెట్టుబడులు పెడితే.. వడ్డీ రూపంలో మంచి ఆదాయం చేతికి అందుతుంది. అలాగే అవసరమైన సందర్భాల్లో సులభంగా ఈ పొదుపు ఖాతాలోని సొమ్మును విత్​డ్రా చేసుకోవడానికి కూడా వీలవుతుంది. వాస్తవానికి ఈ ఫిక్స్​డ్ డిపాజిట్​ వలన అత్యవసర నిధి ఏర్పరుచుకునేందుకు కూడా వీలు కలుగుతుంది.

పన్ను నామమాత్రమే!
Fixed Deposit Tax : వాస్తవానికి ఫిక్స్​డ్​ డిపాజిట్లపై.. ప్రభుత్వానికి పన్నులు చెల్లించాల్సి ఉంటుంది. కానీ సీనియర్​ సిటిజన్​లపై చాలా తక్కువ పన్ను శ్లాబ్​ ఉంటుంది. కనుక ఫిక్స్​డ్​ డిపాజిట్లపై పన్ను భారం నామమాత్రమే అని చెప్పవచ్చు.

స్మాల్​ ఫైనాన్స్ బ్యాంక్​ వడ్డీ రేట్లు!
Small Finance Bank Fixed Deposit Interest Rates 2023 : ప్రభుత్వ, ప్రైవేట్​ బ్యాంకులతో సహా కొన్ని స్మాల్ ఫైనాన్స్ బ్యాంకులు కూడా సీనియర్​ సిటిజన్లకు మూడేళ్ల కంటే ఎక్కువ కాలానికి చేసిన ఫిక్స్​డ్ డిపాజిట్లపై అత్యధిక వడ్డీ రేట్లు అందిస్తున్నాయి.

• సూర్యోదయ్​ స్మాల్ ఫైనాన్స్ బ్యాంక్ : ఈ బ్యాంక్​ 3 ఏళ్ల వ్యవధికి ఫిక్స్​డ్​ డిపాజిట్​ చేసిన సీనియర్ సిటిజన్స్​కు 9.1 శాతం వడ్డీని అందిస్తోంది. ఒక వేళ మీరు ఈ స్మాల్​ ఫైనాన్స్ బ్యాంకులో ఒక లక్ష రూపాయలు ఫిక్స్​డ్ డిపాజిట్​ చేస్తే.. మూడేళ్లలో అది 1.31 లక్షలు అవుతుంది.
• ఉత్కర్ష్​ స్మాల్ ఫైనాన్స్ బ్యాంక్​ : మూడేళ్ల వ్యవధితో ఫిక్స్​డ్​ డిపాజిట్​ చేసిన సీనియర్ సిటిజన్స్​కు 8.60 శాతం వడ్డీని అందిస్తోంది ఈ స్మాల్ ఫైనాన్స్ బ్యాంకు. దీనిలో కనుక మీరు రూ.1 లక్ష ఇన్వెస్ట్ చేస్తే.. మూడేళ్లలో మీ చేతికి రూ.1.29 లక్షలు అందుతాయి.
• ఫిన్​కేర్​ స్మాల్​ ఫైనాన్స్ బ్యాంక్ : ఇది కూడా సీనియర్​ సిటిజన్స్ ఫిక్స్​డ్ డిపాజిట్లపై 8.60 శాతం మేర వడ్డీని అందిస్తోంది.

చిన్న బ్యాంకుల - వడ్డీ రేట్లు!
Small Bank Fixed Deposit Interest Rates 2023 : సీనియర్​ సిటిజన్స్​ మూడేళ్ల వ్యవధితో చేసే ఫిక్స్​డ్​ డిపాజిట్లపై డీసీబీ బ్యాంకు 8.50 శాతం వడ్డీ; ఇండస్​ఇండ్​ బ్యాంక్​ 8 శాతం వడ్డీ; ఎస్​బీఎం బ్యాంక్​ 7.8 శాతం వడ్డీ అందిస్తున్నాయి.

పెద్ద బ్యాంకుల - వడ్డీ రేట్లు
Private Banks Fixed Deposit Interest Rates 2023 : సీనియర్​ సిటిజన్స్​ ఫిక్స్​డ్​ డిపాజిట్లపై బ్యాంక్​ ఆఫ్ బరోడా 7.55 శాతం; పంజాబ్​ నేషనల్​ బ్యాంక్​ 7.5 శాతం; కెనరా బ్యాంక్ 7.3 శాతం చొప్పున వడ్డీ రేట్లను అందిస్తున్నాయి.

రూ.5 లక్షల వరకు గ్యారెంటీ!
DICGC Guarantee For Fixed Deposit : చిన్న చిన్న ప్రైవేట్​ బ్యాంకులు.. సీనియర్​ సిటిజన్స్ చేసే కొత్త డిపాజిట్లపై అధిక వడ్డీ రేట్లను అందిస్తున్నాయి. అయితే ఈ పెట్టుబడుల గురించి మీకు ఎలాంటి భయాందోళనలు అవసరం లేదు. ఎందుకంటే ఆర్​బీఐ అనుబంధ సంస్థ అయిన డిపాజిట్​ ఇన్సూరెన్స్​ అండ్​ క్రెడిట్​ గ్యారెంటీ కార్పొరేషన్​.. ఫిక్స్​డ్​ డిపాజిట్​పెట్టుబడులపై రూ.5 లక్షల వరకు గ్యారెంటీ ఇస్తుంది.