సుప్రీంకోర్టు తీర్పు మేరకు ఎంప్లాయిస్ ప్రావిడెంట్ ఫండ్(ఈపీఎఫ్) పరిధిలోకి వచ్చే అర్హులైన ఉద్యోగులు, కార్మికులు, పింఛనుదారులు.. అధిక పింఛను పొందేందుకు యజమానితో కలిసి ఉమ్మడి ఆప్షన్ ఇచ్చేందుకు ఆ సంస్థ అవకాశం కల్పించింది. ఇందుకోసం ఆన్లైన్లో దరఖాస్తును అందుబాటులోకి తెచ్చింది. ఈ మేరకు ఉమ్మడి ఆప్షన్ లింక్ను ఎంప్లాయిస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) ఆదివారం అర్ధరాత్రి విడుదల చేసింది. ఇంతకుముందు 2022 నవంబరు 4న సుప్రీంకోర్టు.. EPS కింద అధిక పింఛను దరఖాస్తు చేసుకునేందుకు నాలుగు నెలల సమయం ఇస్తూ తీర్పు ఇచ్చింది.
ఉద్యోగులకు EPF శుభవార్త! అందుబాటులోకి అధిక పింఛను ఆన్‌లైన్‌ దరఖాస్తు.. అప్లై చేసుకోండిలా.. - eps 95 pension latest news today
ఉద్యోగులకు గుడ్ న్యూస్! ఈపీఎఫ్ పరిధిలోకి వచ్చే అర్హులైన పింఛనుదారులకు అధిక పింఛను పొందేందుకు యజమానితో కలిసి ఉమ్మడి ఆప్షన్ ఇచ్చేందుకు ఈపీఎఫ్ఓ అవకాశం కల్పించింది. ఈ మేరకు ఉమ్మడి ఆప్షన్ లింక్ను ఈపీఎఫ్ఓ ప్రకటించింది.
అందుబాటులోకి వచ్చిన అధిక పింఛను ఆన్‌లైన్‌ దరఖాస్తు
ఉద్యోగుల పింఛను పథకం -1995 చట్టసవరణకు ముందుగా (2014 సెప్టెంబరు 1కి ముందు) ఈపీఎఫ్ చందాదారుగా చేరి, ఆ తరువాత సర్వీసులో కొనసాగుతూ అధిక వేతనంపై ఈపీఎఫ్ చందా చెల్లిస్తూ.. ఈపీఎస్‌ చట్టంలోని పేరా నం.11(3) కింద ఉమ్మడి ఆప్షన్ ఇవ్వలేకపోయిన వారు అర్హులని పేర్కొంది. యజమానితో కలిసి ఉమ్మడి ఆప్షన్ ఇచ్చేందుకు గడువు మే 3గా విధించింది. ఈ గడువులోగా అర్హులైన ఉద్యోగులు, కార్మికులు, వేతనజీవులు ఉమ్మడి ఆప్షన్ నమోదు చేయాలని స్పష్టం చేసింది.
ఆన్లైన్లో అప్లై చేసుకునే విధానం..
ఈపీఎఫ్వో వేతనజీవులు, పింఛనుదారులు ఈపీఎఫ్ మెంటర్‌ పోర్టల్‌ హోంపేజీలో ప్రత్యేక లింకును ఆదివారం అర్ధరాత్రి ఏర్పాటు చేసింది ఆ సంస్థ. దీనికి దరఖాస్తును చేసుకునే వారు హోంపేజిలో అప్లికేషన్ ఫర్ జాయింట్ ఆప్షన్ లింకును క్లిక్ చేయాలి. అనంతరం ఈపీఎస్‌ చట్టం 11(3) కింద ఆప్షన్‌కు దరఖాస్తును క్లిక్ చేయాలి. ఈ దరఖాస్తును భవిష్యనిధి యూనివర్సల్‌ అకౌంట్‌ నంబరు (యూఏఎన్‌) ఖాతాద్వారా పూర్తి చేయాలి. ఈపీఎఫ్వో రికార్డుల ప్రకారం చందాదారు ఆధార్ నంబరు, పుట్టిన తేదీ వివరాలను నమోదు చేయాలి. ఆధార్తో లింక్ చేసిన మొబైల్ నంబరును వినియోగించాలి. చందాదారు వివరాలన్నీ ఇలా మొత్తం 4 దశల్లో పూర్తి చేశాక దరఖాస్తు నంబరు వస్తుంది.
Last Updated : Feb 27, 2023, 10:36 AM IST