BSA Gold Star 650 Vs Royal Enfield Interceptor 650 : మోటార్ సైకిళ్ల తయారీ రంగంలో ప్రత్యేక ఒరవడిని సృష్టించి.. తనదైన బ్రాండ్ సెట్ చేస్కున్నది రాయల్ ఎన్ఫీల్డ్ బైక్. ద్విచక్ర వాహనాల్లో ఎన్ని బ్రాండ్స్, మోడల్స్ ఉన్నా.. రాయల్ ఎన్ఫీల్డ్లో ఉండే రాజసమే వేరు అంటారు ఈ బైక్ ఫ్యాన్స్. దాని ప్రత్యేకమైన ఆహార్యం నుంచి అది చేసే శబ్ధం, దూసుకెళ్లే వేగం.. అన్నీ తనకు మాత్రమే సొంతం అనేలా ఉంటాయి. అందుకే.. ప్రపంచ వ్యాప్తంగా ఈ బైక్కు భారీ స్థాయిలో అభిమానులు ఉన్నారు. కొద్ది నెలల క్రితమే.. Royal Enfield Interceptor 650 మార్కెట్లోకి వచ్చిన విషయం తెలిసిందే. అయితే.. దీనికి పోటీగా త్వరలో భారత మార్కెట్లోకి బ్రిటీష్ కంపెనీ బీఎస్ఏ సిద్ధమవుతోంది. ఈ కంపెనీ తన నయా బైక్ "BSA Gold Star 650"తో రాయల్ ఎన్ఫీల్డ్(Royal Enfield)కు పోటీగా వస్తోంది. ఇంతకీ ఏ రెండింటిలో ఉన్న ఫీచర్స్ ఏంటి..? దేని ధర ఎంత? అన్న వివరాలు ఈ స్టోరీలో తెలుసుకుందాం.
బీఎస్ఏ 650 స్పెసిఫికేషన్స్ (BSA Gold Star 650 Specifications) :
- బ్రిటీష్ కంపెనీ బీఎస్ఏ తీసుకొస్తున్న BSA Gold Star 650 బైక్లో అదిరిపోయే ఫీచర్స్ ఉన్నాయి.
- ఈ బైక్ లిక్విడ్ కూల్డ్, సింగిల్-సిలిండర్, 652cc ఇంజిన్‌తో వస్తుంది.
- ఇది 6000ఆర్పీఎం వద్ద 45.6 Ps, అలాగే 4000ఆర్పీఎం వద్ద 55 Nm టార్క్ను ఉత్పత్తి చేయగలదు.
- ఇంజిన్ 5-స్పీడ్ మ్యాన్యువల్ ట్రాన్స్‌మిషన్‌తో జత చేయబడింది.
- BSA కొత్త ఇంజిన్ 1800 rpm కంటే తక్కువ నుంచి టార్క్ను పెంచడం ప్రారంభిస్తుంది.
- తరచుగా గేర్‌ను మార్చకుండా ఉండటానికి సహాయపడుతుంది.
- BSA గోల్డ్ స్టార్ 650లో బ్రేకింగ్ కోసం ముందు భాగంలో 320mm, వెనుక 255mm డిస్క్ను అమర్చారు.
- ఈ బైక్లో 12 లీటర్ల ఇంధన ట్యాంక్ ఉంది.
- అలాగే DOHC, 4 valves per cylinder, twin spark plugs ఉన్నాయి.
- ఈ బైకు సుమారు 213 కిలోల బరువు ఉంటుంది.
రాయల్ ఎన్ఫీల్డ్ ఇంటర్‌సెప్టర్ 650 స్పెసిఫికేషన్స్ (Royal Enfield Interceptor 650 Specifications) :
- రాయల్ ఎన్ఫీల్డ్ ఇంటర్‌సెప్టర్ 650 కూడా చాలా మంచి స్పెసిఫికేషన్స్ కలిగి ఉంది.
- ఇంటర్‌సెప్టర్ 650 ట్విన్-సిలిండర్ కలిగి 648 cc ఇంజిన్‌తో వస్తోంది.
- ఇది 7150 rpm వద్ద 47.65 Ps, 5250 rpm వద్ద 52 Nm టార్క్ను ఉత్పత్తి చేస్తుంది.
- ట్రాన్స్‌మిషన్ విధులు స్లిప్పర్ క్లచ్‌తో 6-స్పీడ్ మాన్యువల్ గేర్‌బాక్స్ ద్వారా నిర్వహించబడతాయి.
- అలాగే Parallel twin, 4-స్ట్రోక్, సింగిల్ ఓవర్‌హెడ్ క్యామ్, ఎయిర్/ఆయిల్-కూల్డ్, ఫ్యూయల్-ఇంజెక్టెడ్ ఇంజిన్‌లను కలిగి ఉంది.
- ముందు భాగంలో 320 mm డిస్క్ బ్రేక్‌లు, వెనుక భాగంలో 240 mm డిస్క్ బ్రేక్‌లు అమర్చారు.
- డ్యూయల్-ఛానల్ ABS ద్వారా అవి పనిచేస్తాయి.
- ఈ బైక్ను 202 కేజీల బరువుతో రూపొందించారు.