ఎస్ బ్యాంకు షేర్లు వరుసగా రెండో రోజు కోలుకున్నాయి. ఇవాళ ట్రేడింగ్లో 29 శాతం పెరిగి షేరు విలువ రూ.27.55కు చేరుకుంది. ఎస్ బ్యాంకులో వాటా కొనుగోలుకు ఎస్బీఐ సిద్ధం కావటం వల్ల మదుపరుల సెంటిమెంటు బలపడటమే ఇందుకు కారణం.
స్టాక్ మార్కెట్లు రికార్డు స్థాయిలో నష్టపోయిన సోమవారమూ ఎస్ బ్యాంకు షేర్లు 31 శాతం వృద్ధిని నమోదు చేశాయి.
ఎస్బీఐకి 49 శాతం వాటా
సంక్షోభంలో ఎస్ బ్యాంకును చక్కబెట్టేందుకు పునరుద్ధరణ పథకాన్ని తీసుకొచ్చింది ఎస్బీఐ. ఇందులో భాగంగా ఎస్ బ్యాంకులోని 245 కోట్ల షేర్లను రూ.2450 కోట్లకు దక్కించుకోనున్నట్లు తెలిపింది. ఒక్క షేరు విలువ రూ. 10గా ఉంది. బ్యాంకు పునర్విభజన తర్వాత ఈ షేర్లు 49శాతం వాటాగా బదిలీ అవుతాయని ఎస్బీఐ తెలిపింది.
రిలయన్స్ షేర్లూ..
ఈ వారం తొలి సెషన్లో 12 శాతం మేర నష్టపోయిన రిలయన్స్ ఇండస్ట్రీస్ లిమిటెడ్ తిరిగి పుంజుకున్నాయి. సంస్థ షేర్లు 6 శాతం పెరిగాయి.