బ్యాకింగ్ షేర్ల దూకుడు.. సరికొత్త గరిష్ఠాలకు సూచీలు

స్టాక్ మార్కెట్లు లాభాల్లో ముగిశాయి. సెన్సెక్స్ 248 పాయింట్లు పెరిగి నూతన రికార్డు స్థాయి అయిన 49,500పైకి చేరింది. నిఫ్టీ 79 పాయింట్ల లాభంతో జీవితకాల గరిష్ఠమైన 14,550మార్కును దాటింది.

స్టాక్​ మార్కెట్లు లాభాల పంట పండించాయి. మంగళవారం సెషన్​లో బీఎస్‌ఈ సెన్సెక్స్​ 248 పాయింట్లు లాభపడి జీవితకాల గరిష్ఠమైన 49,517 వద్ద స్థిరపడింది. నిఫ్టీ 79 పాయింట్ల మేర పెరిగి కొత్త రికార్డు స్థాయి అయిన 14,563 వద్ద ముగిసింది.

ఇంట్రాడేలో..

ఇవాళ్టి సెషన్​లో సెన్సెక్స్ 49,079 పాయింట్ల వద్ద కనిష్టాన్ని.. 49,569 పాయింట్ల గరిష్ఠాన్ని నమోదు చేసింది.

నిఫ్టీ 14,432 పాయింట్ల అత్యల్ప స్థాయిని, 14,590 పాయింట్ల గరిష్ఠాన్ని తాకింది.

కేంద్ర బడ్జెట్​పై ఆశలు.. టీకా పంపిణీ సానుకూలతల నేపథ్యంలో స్టాక్​ మార్కెట్లు దూసుకెళ్లాయి.

లాభనష్టాల్లో..

ఎస్​బీఐ, భారతీ ఎయిర్​టెల్​, రిలయన్స్, హెచ్​డీఎఫ్​సీ, ఐటీసీ షేర్లు లాభాలు గడించాయి.

ఏషియన్​ పెయింట్స్, హిందుస్థాన్​ యూనీలివర్​, నెస్లే, టైటాన్​, కోటక్​బ్యాంకు షేర్లు నష్టాలను చవిచూశాయి.

ఇదీ చదవండి:పసిడి బాండ్ల జారీ షురూ- వారికి ప్రత్యేక డిస్కౌంట్​