15:39 May 11
స్టాక్ మార్కెట్ల వరుస లాభాల జోరుకు బ్రేక్ పడింది. మంగళవారం సెషన్లో బీఎస్ఈ-సెన్సెక్స్ 341 పాయింట్ల నష్టంతో 49,161 వద్ద స్థిరపడింది. ఎన్ఎస్ఈ-నిఫ్టీ 91 పాయింట్లు కోల్పోయి 14,850 వద్దకు చేరింది.
11:56 May 11
స్టాక్ మార్కెట్లు నష్టాల్లో కొనసాగుతున్నాయి. సెన్సెక్స్ 280 పాయింట్లకుపైగా కోల్పోయి 49,222 వద్ద ట్రేడవుతోంది. నిఫ్టీ 70 పాయింట్లకుపైగా నష్టంతో 14,871 వద్ద ట్రేడింగ్ సాగిస్తోంది.
09:08 May 11
14,800 దిగువకు నిఫ్టీ
స్టాక్ మార్కెట్ల వరుస లాభాల జోరుకు బ్రేక్ పడింది. మంగళవారం సెషన్ను సూచీలు భారీ నష్టాలతో ప్రారంభించాయి. బీఎస్ఈ-సెన్సెక్స్ దాదాపు 450 పాయింట్లు కోల్పోయి 49,055 వద్ద ట్రేడవుతోంది. ఎన్ఎస్ఈ-నిఫ్టీ 140 పాయింట్లకుపైగా తగ్గి 14,798 వద్ద కొనసాగుతోంది.
ఫార్మా మినహా మిగతా అన్ని రంగాలు అమ్మకాల ఒత్తిడిని ఎదుర్కొంటున్నాయి. దేశంలో కరోనా విజృంభణ తీవ్రమవుతుండటం, దాదాపు అన్నిరాష్ట్రాల్లో మిని లాక్డౌన్లు సహా ఇటీవలి వరుస లాభాలను మదుపరులు సొమ్ము చేసుకునే పనిలో పడటం నష్టాలకు ప్రధాన కారణంగా తెలుస్తోంది.
