13:12 August 12
కోలుకున్న సూచీలు
స్టాక్ మార్కెట్లు ఒడుదొడుకుల మధ్య ట్రేడవుతున్నాయి. ఆరంభంలో 200 పాయింట్లకు పైగా కోల్పోయిన సెన్సెక్స్ ప్రస్తుతం 30 పాయింట్ల నష్టంతో కొనసాగుతోంది. 38,376 పాయింట్ల వద్ద ట్రేడవుతోంది.
ప్రభుత్వ రంగ సంస్థలు, బ్యాంకులు, ఆటోమొబైల్ షేర్లు రాణించడం వల్ల సూచీ కాస్త కోలుకుంది. మరోవైపు ఫార్మా సంస్థల షేర్లు నేల చూపులు చూస్తున్నాయి.
అటు.. జాతీయ స్టాక్ ఎక్స్ఛేంజీ సూచీ నిఫ్టీ సైతం ఆరంభ నష్టాలు తగ్గించుకుంది. ప్రస్తుతం 9 పాయింట్లు నష్టపోయి 11,313 వద్ద ట్రేడవుతోంది.
09:13 August 12
నష్టాలతో ప్రారంభమైన సెన్సెక్స్, నిఫ్టీ
దేశీయ స్టాక్ మార్కెట్లు నష్టాలతో ప్రారంభమయ్యాయి. ప్రపంచ మార్కెట్ల బలహీనతల మధ్య బెంచ్మార్క్ సూచీలు వెలవెలబోతున్నాయి.
బొంబాయి స్టాక్ ఎక్స్ఛేంజీ సూచీ సెన్సెక్స్ 233 పాయింట్లు పతనమైంది. ప్రస్తుతం 38,173 వద్ద ట్రేడవుతోంది. బ్యాంకింగ్ రంగ షేర్లు డీలా పడ్డాయి. టెక్ మహీంద్రా, ఎస్బీఐ, మహీంద్రా అండ్ మహీంద్ర, మారుతీ మినహా అన్ని షేర్లు నష్టాల్లో పయనిస్తున్నాయి.
మరోవైపు జాతీయ స్టాక్ ఎక్స్ఛేంజీ సూచీ నిఫ్టీ సైతం సెన్సెక్స్ బాటలోనే ఉంది. ప్రస్తుతం 75 పాయింట్లు కోల్పోయి.. 11,246 వద్ద కొనసాగుతోంది.
