వరుస రికార్డులకు బ్రేక్​- 55,650 దిగువకు సెన్సెక్స్​

స్టాక్ మార్కెట్ల వరుస రికార్డులకు బుధవారం బ్రేక్ పడింది. సెన్సెక్స్ (Sensex today) 163 పాయింట్లు తగ్గి.. 55,650 దిగువకు చేరింది. నిఫ్టీ (Nifty today) 46 పాయింట్ల నష్టంతో 16,600 మార్క్​ను కోల్పోయింది. ఇంట్రాడేలో మాత్రం సూచీలు నూతన గరిష్ఠాలను తాకడం గమనార్హం.

వరుస లాభాలతో రికార్డుల మోత మోగించిన స్టాక్​ మార్కెట్ల జోరుకు బుధవారం బ్రేక్​ పడింది. బీఎస్​ఈ-సెన్సెక్స్ (Sensex today) 163 పాయింట్లు తగ్గి 55,629 వద్ద స్థిరపడింది. ఎన్​ఎస్​ఈ-నిఫ్టీ (Nifty today) 46 పాయింట్ల నష్టంతో 16,568 వద్ద ముగిసింది.

వరుస లాభాలను మదుపరులు సొమ్ము చేసుకునే పనిలో పడటం నష్టాలకు ప్రధాన కారణంగా తెలుస్తోంది. బ్యాంకింగ్​ షేర్లు అధికంగా అమ్మకాల ఒత్తిడి ఎదుర్కొన్నాయి.

ఇంట్రాడే సాగిందిలా (Intraday)..

సెన్సెక్స్ 56,118 పాయింట్ల అత్యధిక స్థాయి (జీవనకాల గరిష్ఠం), 55,514 పాయింట్ల అత్యల్ప స్థాయిలను నమోదు చేసింది.

నిఫ్టీ 16,701 పాయింట్ల గరిష్ఠ స్థాయి (నూతన రికార్డు స్థాయి), 16,535 పాయింట్ల కనిష్ఠ స్థాయిల మధ్య కదలాడింది.

లాభనష్టాల్లోనివి ఇవే..

అల్ట్రాటెక్ సిమెంట్, బజాజ్ ఫినాన్స్, బజాజ్​ ఫిన్​సర్వ్​, నెస్లే ఇండియా, బజాజ్​ ఆటో షేర్లు లాభాలను గడించాయి.

కోటక్ మహీంద్రా బ్యాంక్, ఐసీఐసీఐ బ్యాంక్, పవర్​గ్రిడ్​, హెచ్​డీఎఫ్​సీ, ఇండస్​ఇండ్ బ్యాంక్​ షేర్లు నష్టాలను మూటగట్టుకున్నాయి.

ఇతర మార్కెట్లు

ఆసియాలో ఇతర ప్రధాన మార్కెట్లలో.. షాంఘై (చైనా), నిక్కీ (జపాన్​), కోస్పీ (దక్షిణ కొరియా), హాంగ్​సెంగ్ (హాంకాంగ్​) సూచీలు వరుస నష్టాల నుంచి తేరుకుని బుధవారం సానుకూలంగా ముగిశాయి.

ఇదీ చదవండి:పసిడి మదుపరులకు యూబీఎస్​ హెచ్చరిక!