15:11 October 14
జీవనకాల గరిష్ఠాలకు సూచీలు
మార్కెట్ ఆరంభం నుంచే లాభాల్లో కదలాడిన దేశీయ స్టాక్ మార్కెట్లు గురువారం జీవితకాల గరిష్ఠాలను చేరి కొత్త రికార్డు సృష్టించాయి. బొంబాయి స్టాక్ ఎక్సేంజీ సూచీ సెన్సెక్స్ తొలిసారి 61వేల మార్కును దాటింది.
సెన్సెక్స్ 550 పాయింట్లకుపైగా లాభపడింది. 61,334 వద్ద స్థిరపడింది. నిఫ్టీ 175 పాయింట్లు వృద్ధి చెంది 18,338 వద్దకు చేరింది. అంతర్జాతీయ సానుకూలతలకు తోడు.. వివిధ కంపెనీల త్రైమాసిక ఫలితాల నేపథ్యంలో సూచీలు పరుగులు పెట్టాయి.
11:35 October 14
సరికొత్త గరిష్ఠాలకు సూచీలు..
దేశీయ స్టాక్‌మార్కెట్‌ సూచీలు జోరుమీదున్నాయి. సెన్సెక్స్ తొలిసారి 61 వేల పాయింట్ల మార్కును, నిఫ్టీ 18,300 మార్కును దాటాయి. సెన్సెక్స్ 433 పాయింట్లు పెరిగి 61,170 వద్ద, నిఫ్టీ 145 పాయింట్లు పెరిగి 18,307 వద్ద ట్రేడవుతున్నాయి.
09:11 October 14
స్టాక్ మార్కెట్ లైవ్ అప్డేట్స్
స్టాక్ మార్కెట్లు(stock market) వరుస లాభాలతో దూసుకెళ్తున్నాయి. బాంబే స్టాక్ ఎక్స్ఛేంజీ సూచీ.. సెన్సెక్స్ 334 పాయింట్లు వృద్ధి చెంది జీవనకాల గరిష్ఠాన్ని చేరింది. ప్రస్తుతం 61,068 వద్ద ట్రేడవుతోంది. మరో సూచీ.. జాతీయ స్టాక్ ఎక్స్ఛేంజీ నిఫ్టీ సైతం లాభాలతోనే ట్రేడింగ్ ఆరంభించింది. 111 పాయింట్లు ఎగబాకి.. 18,273 వద్ద కొనసాగుతోంది.
