అంతర్జాతీయ మార్కెట్ల సానుకూల పవనాలతో దేశీయ స్టాక్ మార్కెట్లు సోమవారం లాభాలతో ముగిశాయి. ఐటీ కంపెనీలు లాభాలను మూటగట్టుకున్నాయి.
బాంబే స్టాక్ ఎక్స్ఛేంజ్ సూచీ-సెన్సెక్స్ 168.62 పాయింట్లు బలపడి 39,784.52 వద్ద ముగిసింది. ఇన్ట్రాడేలో ఓ స్థాయిలో 39,979.48 పాయింట్ల గరిష్ఠ స్థాయిని తాకింది.
జాతీయ స్టాక్ ఎక్స్ఛేంజ్ సూచీ-నిఫ్టీ 52.05 పాయింట్లు లాభపడి 11,922.90 వద్ద ముగిసింది. ఇన్ట్రాడేలో ఓ స్థాయిలో 11,975.05 పాయింట్ల గరిష్ఠ స్థాయికి చేరుకుంది.
డాలరుతో పోలిస్తే రూపాయి మారకం విలువ 69.54 వద్ద అమ్ముడవుతోంది.