15:37 February 09
ఆఖర్లో ఫ్లాట్గా..
దేశీయ స్టాక్ మార్కెట్లు ఇవాళ్టి ట్రేడింగ్ను ఫ్లాట్గా ముగించాయి. ఇంట్రాడేలో రికార్డు స్థాయి గరిష్ఠాలను చేరి.. చివరకు నష్టాలకు మళ్లాయి.
సెన్సెక్స్ 20 పాయింట్లు నష్టపోయి.. 51 వేల 329 వద్ద ముగిసింది. నిఫ్టీ 15 వేల 109 వద్ద సెషన్ను ముగించింది.
11:58 February 09
సరికొత్త శిఖరాలకు సూచీలు.. సెన్సెక్స్ 350 ప్లస్
బడ్జెట్ తర్వాత దేశీయ మార్కెట్లు ఆకాశమే హద్దుగా దూసుకెళుతున్నాయి. విదేశీ మార్కెట్ల నుంచి సానుకూల పవనాలు, హెవీ వెయిట్ షేర్ల దన్నుతో మంగళవారమూ భారీ లాభాలతో సాగుతున్నాయి.
బాంబే స్టాక్ ఎక్స్చేంజీ సూచీ సెన్సెక్స్ 51,753 పాయింట్ల జీవితకాల గరిష్ఠాన్ని తాకింది. ప్రస్తుతం 363 పాయింట్ల లాభంతో 51,712 వద్ద కొనసాగుతోంది.
జాతీయ స్టాక్ ఎక్స్చేంజీ సూచీ నిఫ్టీ సైతం దూసుకెళుతోంది. 110 పాయింట్ల వృద్ధితో 15,226 పాయింట్ల వద్ద ట్రేడవుతోంది.
లాభనష్టాల్లోనివి..
ఓఎన్జీసీ, ఏషియన్ పేయింట్స్, హెచ్డీఎఫ్సీ లైఫ్, ఎస్బీఐ లైఫ్, టైటాన్ కంపెనీలు 3 శాతం మేర లాభాల్లో కొనసాగుతున్నాయి.
ఐఓసీ, ఎంఅండ్ఎం, టాటా మోటర్స్, బజాజ్ ఆటో, జేఎస్ డబ్ల్యూ స్టీల్లు సుమారు 2 శాతం మేర నష్టాల్లోకి వెళ్లాయి.
09:09 February 09
లాభాల్లో స్టాక్ మార్కెట్లు
అంతర్జాతీయ మార్కెట్ల నుంచి సానుకూల పవనాలతో దేశీయ సూచీలు లాభాల్లో ప్రారంభమయ్యాయి. బాంబే స్టాక్ ఎక్స్చేంజి సూచీ సెన్సెక్స్.. 179 పాయింట్ల లాభంతో 51,527 వద్ద కొనసాగుతోంది. ఆరంభ ట్రేడింగ్లో 51,569 పాయింట్ల జీవితకాల గరిష్ఠాన్ని తాకిన సూచీ.. కాస్త వెనక్కి తగ్గింది.
జాతీయ స్టాక్ ఎక్స్చేంజీ సూచీ నిఫ్టీ.. 47 పాయింట్ల వృద్ధితో 15,163 పాయింట్ల వద్ద ట్రేడవుతోంది.
లాభనష్టాల్లోనివి..
బీపీసీఎల్, విప్రో, అదానీ పోర్ట్స్, అల్ట్రాటెక్ సిమెంట్, ఇన్ఫోసిస్లు లాభాల్లో కొనసాగుతున్నాయి.
ఐఓసీ, ఎస్బీఐ, శ్రీ సిమెంట్, యాక్సిస్ బ్యాంక్, కొటక్ మహీంద్రాలు నష్టాల్లోకి వెళ్లాయి.
