చివరి గంటలో ఐటీ జోరు- ఫ్లాట్​గా ముగిసిన మార్కెట్లు

15:45 December 02

44,650 దిగువకు సెన్సెక్స్

స్టాక్ మార్కెట్లు దాదాపు ఫ్లాట్​గా ముగిశాయి. సెన్సెక్స్ 37 పాయింట్లు కోల్పోయి 44,618 వద్దకు చేరింది. ఎన్​ఎస్​ఈ- నిఫ్టీ అతి స్వల్పంగా 5 పాయింట్లు పెరిగి 13,114 వద్ద స్థిరపడింది.

లోహ, చమురు, ఆటో, ఐటీ షేర్లు సానుకూలంగా ముగిశాయి. బ్యాంకింగ్ షేర్లు భారీగా నష్టపోయాయి.

• ఓఎన్​జీసీ, ఏషియన్​ పెయింట్స్, టైటాన్​, టాటా స్టీల్, బజాజ్ ఆటో, ఎం&ఎం షేర్లు లాభాలను నమోదు చేశాయి.
• కోటక్ మహీంద్రా బ్యాంక్, హెచ్​డీఎఫ్​సీ బ్యాంక్, హెచ్​డీఎఫ్​సీ, ఐసీఐసీఐ బ్యాంక్, నెస్లే షేర్లు నష్టాలను మూటగట్టుకున్నాయి.

15:07 December 02

మిశ్రమంగా సూచీలు

స్టాక్ మార్కెట్లు చివరి గంటలో భారీ నష్టాల నుంచి తేరుకుంటున్నాయి. సెన్సెక్స్ 40 పాయింట్ల స్వల్ప నష్టంతో 44,614 వద్ద ట్రేడవుతోంది. నిఫ్టీ స్వల్పంగా పుంజుకుని 13,115 వద్ద ఫ్లాట్​గా కొనసాగుతోంది.

మొదట్లో ఒడుదొడుకులు ఎదుర్కొన్న ఐటీ షేర్లు చివరి గంటలో సానుకూలంగా స్పందిస్తుండటం లాభాలకు కారణంగా తెలుస్తోంది.

• ఓఎన్​జీసీ, ఏషియన్ పెయింట్స్, టైటాన్, బజాజ్ ఆటో, టాటా స్టీల్ షేర్లు లాభాల్లో ప్రధానంగా ఉన్నాయి.
• కోటక్ మహీంద్రా బ్యాంక్, హెచ్​డీఎఫ్​సీ బ్యాంక్, హెచ్​డీఎఫ్​సీ, ఐసీఐసీఐ బ్యాంక్, నెస్లే షేర్లు నష్టాల్లో ట్రేడింగ్ సాగిస్తున్నాయి.

11:34 December 02

నిఫ్టీ 40 పాయింట్లకుపైగా క్షీణత..

మిడ్​ సెషన్​ ముందు స్టాక్ మార్కెట్లు భారీ నష్టాల దిశగా కదులుతున్నాయి. సెన్సెక్స్ 210 పాయింట్లకుపైగా తగ్గి 44,444 వద్ద ట్రేడవుతోంది. నిఫ్టీ 40 పాయింట్లకుపైగా కోల్పోయి 13,063 వద్ద కొనసాగుతోంది. ఐటీ షేర్లకు తోడు బ్యాంకింగ్ రంగం కూడా నష్టాల్లోకి జారుకోవడం ఇందుకు కారణంగా తెలుస్తోంది.

• టాటా స్టీల్, ఏషియన్​ పెయింట్స్, టైటాన్, బజాజ్ ఆటో, మారుతీ, హెచ్​సీఎల్​టెక్ షేర్లు లాభాల్లో ట్రేడవుతున్నాయి.
• హెచ్​డీఎఫ్​సీ బ్యాంక్, కోటక్ మహీంద్రా బ్యాంక్, టెక్ మహీంద్రా, ఐసీఐసీఐ బ్యాంక్, హెచ్​డీఎఫ్​సీ షేర్లు నష్టాల్లో ప్రధానంగా ఉన్నాయి.

09:49 December 02

సెన్సెక్స్ 90 మైనస్​

స్టాక్ మార్కెట్లు స్వల్ప నష్టాల్లో ట్రేడవుతున్నాయి. సెన్సెక్స్ 90 పాయింట్లకుపైగా కోల్పోయి 44,566 వద్ద కొనసాగుతోంది. నిఫ్టీ 10 పాయింట్లకుపైగా తగ్గి 13,096 వద్ద ట్రేడవుతోంది.

ఐటీ, హెవీ వెయిట్​ షేర్లలలో నమోదవుతున్న అమ్మకాలు నష్టాలకు కారణంగా తెలుస్తోంది.

• ఏషియన్​ పెయింట్స్, టైటాన్, టాటా స్టీల్, మారుతీ, బజాజ్ ఆటో లాభాల్లో ఉన్నాయి.
• టెక్ మహీంద్రా, ఇన్ఫోసిస్, భారతీ ఎయిర్​టెల్, రిలయన్స్ ఇండస్ట్రీస్, టీసీఎస్​ షేర్లు నష్టాల్లో ప్రధానంగా ఉన్నాయి.

09:17 December 02

నష్టాల్లో దేశీయ స్టాక్​ మార్కెట్లు

అంతర్జాతీయంగా మిశ్రమ పవనాలతో దేశీయ స్టాక్​ మార్కెట్లు స్వల్ప నష్టాలతో ప్రారంభమయ్యాయి. బొంబాయి స్టాక్​ ఎక్ఛ్సేంజీ సూచీ సెన్సెక్స్​- 66 పాయింట్ల నష్టంతో 44589 పాయింట్ల వద్ద ట్రేడవుతోంది. జాతీయ స్టాక్​ ఎక్స్ఛేంజీ సూచీ-నిఫ్టీ 9 పాయింట్లు కోల్పోయి 13099 వద్ద అమ్ముడవుతోంది.  

లాభనష్టాల్లోనివి..

టాటా మోటర్స్​, యూపీఎల్​, హిందాల్కో, మారుతీ సుజూకీ, ఓఎన్​జీసీలు లాభాల్లో కొనసాగుతున్నాయి.  పవర్​ గ్రిడ్​, టెక్​ మహీంద్రా, ఇన్ఫోసిస్​, రిలియన్స్​, గ్రాసిమ్​లు నష్టాల్లోకి జారుకున్నాయి.