స్టాక్ మార్కెట్ల వరుస నష్టాలకు బ్రేక్ పడింది. కరోనా మరణాల రేటు తగ్గుతున్న క్రమంలో ఆసియా మార్కెట్లు సానుకూలంగా స్పందించటం కలిసొచ్చింది. ఫలితంగా దేశీయ మార్కెట్లు ఉదయం నుంచి పరుగులు పెట్టాయి.
బాంబే స్టాక్ ఎక్స్ఛేంజీ సూచీ-సెన్సెక్స్ 428 పాయింట్లు లాభపడి 41,323కు చేరుకుంది. 133 పాయింట్లు వృద్ధి చెందిన జాతీయ స్టాక్ ఎక్స్ఛేంజీ సూచీ-నిఫ్టీ 12,125 పాయింట్ల వద్ద స్థిరపడింది.
తొలగిన కరోనా భయాలు..
కొత్త కరోనా వైరస్ కేసుల తగ్గుదలతో మదుపరుల సెంటిమెంటు బలపడింది. ఆర్థిక వ్యవస్థపై వైరస్ ప్రభావాన్ని నియంత్రించేందుకు కేంద్రం చర్యలు ప్రారంభించింది. ఈ మేరకు పరిశ్రమ వర్గాలతో కేంద్ర ఆర్థిక మంత్రి నిర్మలా సీతారామన్ మంగళవారం భేటీ అయ్యారు. త్వరలోనే పరిష్కార మార్గాలపై నిర్ణయం తీసుకుంటామన్న మంత్రి ప్రకటనతో మార్కెట్లు సానుకూలంగా స్పందించాయి.