దేశీయ స్టాక్ మార్కెట్లు మూడో సెషన్లో స్వల్ప నష్టాలతో ముగిశాయి. సెన్సెక్స్ 82 పాయింట్లు కోల్పోయి 40,281 వద్ద స్థిరపడింది. 31.5 పాయింట్లు నష్టపోయిన నిఫ్టీ 11,798 పాయింట్లకు చేరింది.
లాభనష్టాల్లో..
టీసీఎస్, జేఎస్డబ్ల్యూ స్టీల్, టాటా స్టీల్, ఎస్బీఐ, భారతీ ఎయిర్టెల్, హిందుస్థాన్ యూనిలీవర్ షేర్లు లాభపడ్డాయి.
డాక్టర్ రెడ్డీస్ ల్యాబ్స్, గెయిల్, సన్ ఫార్మా, ఐషర్ మోటార్స్, రిలయన్స్, టైటాన్, హెచ్సీఎల్ టెక్, ఇండస్ఇండ్ బ్యాంక్ నష్టపోయాయి.
సెబీ నిర్ణయమే కారణం!
చైనా వెలువల పలు దేశాల్లో కరోనా వైరస్ కేసుల సంఖ్య పెరుగుతుండటం అంతర్జాతీయ మార్కెట్లపై ప్రభావం చూపింది. మారిషస్పై మార్కెట్ల నియంత్రణ సంస్థ సెబీ నిర్ణయంతో నిన్న మార్కెట్లు కుదేలయ్యాయి. ఈ ప్రభావం నేడూ కొనసాగింది.
మారిషస్ను ఎఫ్ఏటీఎఫ్ గ్రే లిస్ట్లో చేర్చుతారన్న వార్తలు వస్తున్నాయి. అయితే ఆ దేశానికి నుంచి పెట్టుబడులు స్వీకరణను కొనసాగించేందుకు అనుమతి ఇచ్చింది సెబీ.
ఆసియాలో మిశ్రమం..
ఆసియా మార్కెట్లలో మిశ్రమ ఫలితాలు కనిపించాయి. దక్షిణ కొరియా, హాంకాంగ్ లాభాల బాట పట్టగా.. చైనా, జపాన్ నష్టపోయాయి.