కరోనా లాస్​ రికార్డ్​: 69 రోజులు... 16 వేల పాయింట్లు

41,953... సెన్సెక్స్ జీవనకాల గరిష్ఠం. జనవరి 14న ఈ రికార్డు నమోదైంది. కానీ ఇప్పుడు పరిస్థితి తారుమారైంది. ప్రస్తుతం 26 వేల మార్కుకు దిగువకు పతనమైంది సెన్సెక్స్. ఎందుకిలా? ఈ 69 రోజుల్లో ఏం జరిగింది?

యుద్ధాలు... వాణిజ్య యుద్ధాలు... కుంభకోణాలు... ఇలా ఎన్నో సంక్షోభాలను చూశాయి భారత స్టాక్​ మార్కెట్లు. భారీ నష్టాలు మూటగట్టుకున్నాయి. కానీ... ఒక రోజులో కాకపోతే ఒక వారంలోనైనా తిరిగి పుంజుకున్నాయి. ఇదంతా గతం. ఇప్పుడు మాత్రం పరిస్థితి భిన్నం. కరోనా పంజా దెబ్బకు పతనాల పరంపర కొనసాగడమే తప్ప కోలుకునే పరిస్థితి కనిపించడంలేదు.

దలాల్ స్ట్రీట్​లో ఈ రివర్స్​ గేర్​ మొదలై దాదాపు నెల అవుతోంది. కరోనా విజృంభిస్తున్న కొద్దీ మార్కెట్ పతనం మరింత తీవ్రమవుతోంది. నిత్యం లక్షల కోట్ల మదుపర్ల సంపద ఆవిరవుతోంది.

జీవితకాల గరిష్ఠం నుంచి...

2020 జనవరి 14న సెన్సెక్స్​ జీవనకాల గరిష్ఠం 41,953 వద్ద, నిఫ్టీ జనవరి 16న జీవనకాల గరిష్ఠం 12,355 పాయింట్ల వద్ద ఉన్నాయి. కానీ ఈ రెండు నెలల్లో సెన్సెక్స్​ సుమారు 16 వేల పాయింట్లు కోల్పోయింది. బీఎస్​ఈ సూచీ​ ప్రస్తుతం (మార్చి 23) 25,981 పాయింట్లకు పతననైంది. నిఫ్టీ 7,610కి చేరింది.

ఫిబ్రవరి నెలాఖరు నుంచి ట్రేడింగ్ ఇలా..

తేదీ	సెన్సెక్స్	నిఫ్టీ
ఫిబ్రవరి 28	-1,448	-431
మార్చి 2	-153	-69
మార్చి 3	+480	+171
మార్చి 4	-214	-52
మార్చి 5	+61	+18
మార్చి 6	-894	-280
మార్చి 9	-1,942	-538
మార్చి 11	+62	+07
మార్చి 12	-2,919	-868
మార్చి 13	+1,325	+365
మార్చి 16	-2,713	-758
మార్చి 17	-811	-230
మార్చి 18	-1,710	-498
మార్చి 19	-581	-205
మార్చి 20	+1,628	+482
మార్చి 23 (నేడు)	-3,935	-1,135

ఇదీ చూడండి:ఢమాల్​ స్ట్రీట్​: సెన్సెక్స్​ 3,935 పాయింట్లు పతనం