15:42 March 10
వరుసగా మూడో సెషన్లో మార్కెట్లకు లాభాలు..
దేశీయ స్టాక్ మార్కెట్ సూచీలు మళ్లీ లాభాల బాట పట్టాయి. వరుసగా మూడో సెషన్లో భారీ లాభాలు నమోదుచేశాయి.
సెన్సెక్స్ 817 పాయింట్లు పెరిగి.. 55 వేల 464 వద్ద ముగిసింది.
నిఫ్టీ 250 పాయింట్ల లాభంతో.. 16 వేల 595 వద్ద సెషన్ను ముగించింది.
13:48 March 10
కాస్త తగ్గిన సూచీలు..
ఆరంభంలో భారీ లాభాల్లో ట్రేడయిన సూచీలు.. ఇంట్రాడేలో కాస్త వెనక్కి తగ్గాయి.
ప్రస్తుతం సెన్సెక్స్ 760 పాయింట్లకుపైగా లాభంతో.. 55 వేల 412 వద్ద ట్రేడవుతోంది. నిఫ్టీ 225 పాయింట్లు పెరిగి.. 16 వేల 570 వద్ద కొనసాగుతోంది.
ఆరంభంలో సెన్సెక్స్ దాదాపు 1600 పాయింట్లు పెరగడం విశేషం.
10:37 March 10
సెన్సెక్స్ 1300 ప్లస్..
అసెంబ్లీ ఎన్నికల ఫలితాల జోష్లో.. దేశీయ స్టాక్ మార్కెట్లు భారీ లాభాల్లో దూసుకెళ్తున్నాయి.
సెన్సెక్స్ 1360 పాయింట్లకుపైగా పెరిగి 56 వేల మార్కు ఎగువకు చేరింది.
నిఫ్టీ 390 పాయింట్లు లాభంతో.. 16 వేల 730 వద్ద కొనసాగుతోంది.
ఆటో, బ్యాంకింగ్, రియాల్టీ, పీఎస్యూ బ్యాంకింగ్ రంగం.. 2-3 శాతం మేర లాభపడ్డాయి. బీఎస్ఈ మిడ్, స్మాల్ క్యాప్ సూచీలు 1 శాతం మేర పెరిగాయి.
యాక్సిస్ బ్యాంక్, టాటా మోటార్స్ 6 శాతానికిపైగా రాణించాయి. ఇండస్ ఇండ్ బ్యాంక్, బజాజ్ ఫిన్సర్వ్, గ్రేసిమ్ కూడా మంచి లాభాల్లో ఉన్నాయి.
కోల్ ఇండియా, హిందాల్కో, ఓఎన్జీసీ, టెక్ మహీంద్రా, హెచ్సీఎల్ టెక్ నష్టాల్లో ఉన్నాయి.
ఆయా రాష్ట్రాల్లో అధికార మార్పిడి జరిగే అవకాశాలు కనిపించని నేపథ్యంలో.. స్టాక్ మార్కెట్లు సానుకూలంగా ట్రేడవుతున్నాయి. అతిపెద్ద రాష్ట్రం ఉత్తర్ప్రదేశ్ సహా ఉత్తరాఖండ్, మణిపుర్లో భాజపా స్పష్టమైన ఆధిక్యంలో ఉంది. గోవాలో పోటాపోటీగా ఫలితాలు వెలువడుతుండగా.. పంజాబ్లో ఆప్ దూసుకెళ్తోంది.
07:40 March 10
స్టాక్ మార్కెట్ లైవ్ అప్డేట్స్
Stock Market Live: స్టాక్ మార్కెట్లు గురువారం భారీ లాభాలతో ప్రారంభమయ్యాయి. దేశంలో ఐదు రాష్ట్రాల ఎన్నికల ఫలితాలు వెలువడుతున్న నేపథ్యంలో సూచీలు సానుకూలంగా కదలాడుతున్నాయి. బొంబాయి స్టాక్ ఎక్స్ఛేంజీ- సెన్సెక్స్ 1000 పాయింట్లకుపైగా వృద్ధి చెంది.. 55,759 వద్ద ట్రేడవుతోంది.
మరో సూచీ జాతీయ స్టాక్ ఎక్స్ఛేంజీ- నిఫ్టీ సైతం లాభాల్లోనే ఉంది. 300 పాయింట్లకుపైగా పెరిగి.. 16 వేల 668 వద్ద కొనసాగుతోంది.
30 షేర్ల సూచీలో దాదాపు అన్ని షేర్లు లాభాల్లో ట్రేడవుతున్నాయి.
లాభాలకు కారణాలివే..
అంతర్జాతీయంగా సానుకూల పవనాలతో మార్కెట్లు.. పుంజుకుంటున్నాయి. అమెరికా మార్కెట్లు లాభాల్లో ముగియడం సహా ఆసియా మార్కెట్లు సైతం సానుకూలంగా ట్రేడవుతున్నాయి.
అమెరికా అధ్యక్షుడు జో బైడెన్.. రష్యా చమురు, సహజ వాయువు, బొగ్గు దిగుమతులపై నిషేధం విధించిన తర్వాత అంతర్జాతీయ ఇంధన సరఫరాపై ఆందోళనలు నెలకొన్నాయి. అయితే ఉక్రెయిన్, రష్యా దౌత్యపరమైన చర్చలను పునఃప్రారంభించగా.. చమురు ధరలు 12శాతం పైగా తగ్గాయి. దీనికి తోడు చమురు ఉత్పత్తిని పెంచేందుకు తాము సిద్ధంగా ఉన్నట్లు యూఈఏ పేర్కొంది. ఈ తాజా పరిణామాలతో అంతర్జాతీయ మార్కెట్లు పుంజుకుంటున్నాయి. ఫలితంగా దేశీయ మార్కెట్లు సానుకూలంగా ప్రారంభమయ్యాయి.
ముఖ్యంగా మినీ సార్వత్రిక ఎన్నికలుగా భావిస్తున్న.. ఐదు రాష్ట్రాల ఎన్నికల ఫలితాలపై మదపర్లు దృష్టిసారిస్తున్నారు.