15:35 March 09
క్లోజింగ్ బెల్
Stock Market closing: స్టాక్ మార్కెట్లు బుధవారం సెషన్లో భారీ లాభాలు నమోదు చేశాయి. హెవీవెయిట్ షేర్ల దన్నుతో సూచీలు దూసుకెళ్లాయి. బాంబే స్టాక్ ఎక్స్ఛేంజీ సూచీ సెన్సెక్స్ 1,223 పాయింట్లు వృద్ధి చెందింది. చివరకు 54,647 పాయింట్ల వద్ద ట్రేడింగ్ ముగించింది.
నిఫ్టీ 332 పాయింట్లు ఎగబాకి.. 16,345 వద్ద స్థిరపడింది.
14:40 March 09
1300 ప్లస్
స్టాక్ మార్కెట్లు భారీ లాభాల్లో ఉన్నాయి. సెన్సెక్స్ 1327 పాయింట్ల లాభంతో ట్రేడవుతోంది. ప్రస్తుతం 54,751 వద్ద కొనసాగుతోంది.
అటు, నిఫ్టీ సైతం దూసుకెళ్తోంది. 364 పాయింట్ల వృద్ధితో 16,378 వద్ద ట్రేడవుతోంది.
13:25 March 09
భారీ లాభాల్లో మార్కెట్లు.. సెన్సెక్స్ 1000 ప్లస్
ఆటో, బ్యాంకు, క్యాపిటల్ గూడ్స్, ఫార్మ, ఐటీ రంగ షేర్ల దూకుడుతో దేశీయ స్టాక్ మార్కెట్లు భారీ లాభాలతో దూసుకెళ్తున్నాయి. ఉక్రెయిన్- రష్యా యుద్ధ భయాలు ఉన్నప్పటికీ మదుపరులు కొనుగోళ్లకు మొగ్గు చూపుతున్నారు.
12:23 March 09
54వేల ఎగువన సెన్సెక్స్
స్టాక్ మార్కెట్లు లాభాల్లో కొనసాగుతున్నాయి. బీఎస్ఈ సెన్సెక్స్ 700 పాయింట్లకుపైగా లాభపడి.. 54 వేల ఎగువకు చేరింది. నిఫ్టీ 197 పాయింట్లు ఎగబాకి.. 16,210 వద్ద ట్రేడవుతోంది.
ఫార్మా, ఐటీ షేర్లు సూచీల లాభాలకు దన్నుగా నిలుస్తున్నాయి.
రిలయన్స్, ఎం అండ్ ఎం, టెక్ మహీంద్రా, ఇన్ఫోసిస్, అల్ట్రాటెక్ సిమెంట్, హిందూస్థాన్యూనిలివర్, డాక్టర్ రెడ్డీస్ షేర్లు రాణిస్తున్నాయి.
11:37 March 09
దేశీయ స్టాక్ మార్కెట్లు స్థిరంగా లాభాల్లో కొనసాగుతున్నాయి. బీఎస్ఈ-సెన్సెక్స్ 500 పాయింట్లకుపైగా వృద్ధి చెంది.. 53,942 వద్ద ట్రేడవుతోంది. మరో సూచీ ఎన్ఎస్ఈ నిఫ్టీ 131 పాయింట్లు లాభపడి.. 16,144 వద్ద కొనసాగుతోంది.
రష్యా-ఉక్రెయిన్ ఉద్రిక్తతలు కొనసాగుతున్నప్పటికీ.. సూచీలు లాభాలల్లో కొనసాగుతున్నాయి. దేశీయంగా ఉన్న కొన్ని సానుకూల పరిణామాలు సూచీలకు దన్నుగా నిలుస్తున్నాయి. మార్చి 27 నుంచి అంతర్జాతీయ విమాన సేవల్ని పునరుద్ధరిస్తామని కేంద్ర ప్రభుత్వం ప్రకటించడం సానుకూలాంశం.
గత కొన్ని రోజులుగా భారీగా నష్టపోయిన అనేక స్టాక్‌లకు కనిష్ఠాల వద్ద కొనుగోళ్ల మద్దతు లభిస్తోంది.
ఐటీ, ఫార్మా షేర్లతో పాటు రిలయన్స్, ఐసీఐసీ బ్యాంకు, టాటా మోటార్స్ షేర్లు రాణిస్తున్నాయి.
09:01 March 09
Stock Market Live: లాభాల్లో దేశీయ మార్కెట్ సూచీలు
Stock Market: స్టాక్ మార్కెట్లు బుధవారం లాభాలతో ప్రారంభమయ్యాయి. అయితే.. అంతర్జాతీయ మిశ్రమ సంకేతాల నేపథ్యంలో ఒడుదొడుకులు ఎదుర్కొంటున్నాయి. బొంబాయి స్టాక్ ఎక్స్ఛేంజీ- సెన్సెక్స్ 360కిపైగా పాయింట్ల లాభంతో.. 53,780 ఎగువన కదలాడుతోంది. మరో సూచీ నిఫ్టీ సైతం లాభాల్లోనే ఉంది. 100 పాయింట్లకుపైగా పెరిగి .. 16 వేల 100 ఎగువన ఉంది.
సెన్సెక్స్ 30 షేర్లలో టెక్ మహీంద్రా, ఇన్ఫోసిస్, డాక్టర్ రెడ్డీస్, టైటాన్, సన్ఫార్మా, హెచ్సీఎల్టెక్, రిలయన్స్, టీసీఎస్, ఎం అండ్ ఎం షేర్లు రాణిస్తున్నాయి.
కొటక్ బ్యాంక్, ఏషియన్పెయింట్, ఐసీఐసీఐ, హెచ్డీఎఫ్సీ బ్యాంకు, ఎన్టీపీసీ యాక్సిస్ బ్యాంకు నష్టాల్లో ట్రేడవుతున్నాయి.
రష్యా- ఉక్రెయిన్ యుద్ధ భయాలతో మదుపరులు అప్రమత్తంగా వ్యవహరిస్తున్నారు. కొన్నిరోజులుగా భారీగా పతనమైన షేర్లను మదుపర్లు కొనుగోలుకు మొగ్గుచూపడం వల్ల సూచీలు లాభాల్లో పయనిస్తున్నాయి.