16:50 February 16
Stock Market Close:మంగళవారం సెషన్లో రికార్డు స్థాయి లాభాల అనంతరం.. స్టాక్ మార్కెట్లు మళ్లీ ఒడుదొడుకులకు లోనయ్యాయి. మిడ్ సెషన్లో భారీ లాభాల్లో ఉన్న సూచీలు.. ఆఖరి గంటలో నష్టాల్లోకి జారుకున్నాయి.
ఇవాళ 150 పాయింట్లకుపైగా లాభంతో ప్రారంభమైన సెన్సెక్స్.. ఓ దశలో 400 పాయింట్ల మేర పెరిగి 58 వేల 569 వద్ద సెషన్ గరిష్ఠాన్ని తాకింది. 57 వేల 780 వద్ద కనిష్ఠాన్ని నమోదు చేసింది.
జాతీయ స్టాక్ ఎక్స్చేంజి సూచీ నిఫ్టీ 30 పాయింట్ల పతనంతో.. 17 వేల 322 వద్ద ముగిసింది.
14:44 February 16
దేశీయ స్టాక్ మార్కెట్లు తీవ్ర ఒడుదొడుకుల మధ్య ట్రేడవుతున్నాయి. వంద పాయింట్లు పుంజుకున్న సెన్సెక్స్.. అంతలోనే మళ్లీ ఒత్తిడికి లోనైంది. ప్రస్తుతం 7 పాయింట్ల వృద్ధితో 58,149 వద్ద ట్రేడవుతోంది.
నిఫ్టీ సైతం పుంజుకుంది. 9 పాయింట్ల స్వల్ప లాభంతో.. 17,362 వద్ద కొనసాగుతోంది.
11:41 February 16
స్టాక్ మార్కెట్లు నష్టాల్లోకి జారుకున్నాయి. బ్యాంకింగ్ రంగ షేర్లు ఒత్తిడికి గురి కావడం వల్ల.. సూచీలపై ప్రతికూల ప్రభావం పడింది. దీంతో సెన్సెక్స్ ఓ దశలో 200 పాయింట్లకు పైగా పతనమైంది. ప్రస్తుతం 57,943 వద్ద ట్రేడవుతోంది.
అటు నిఫ్టీ సైతం నష్టాల్లోనే ట్రేడవుతోంది. 38 పాయింట్లు కోల్పోయి... 17,314 వద్ద కొనసాగుతోంది.
10:40 February 16
స్టాక్ మార్కెట్లు ఊగిసలాటలోనే ట్రేడింగ్ కొనసాగిస్తున్నాయి. సెన్సెక్స్ 35 పాయింట్ల నష్టంతో ట్రేడవుతోంది. 58,107 వద్ద కొనసాగుతోంది.
నిఫ్టీ ఒక పాయింటు పతనమై 17,351 వద్ద కదలాడుతోంది.
09:06 February 16
స్టాక్ మార్కెట్లు లైవ్ అప్డేట్స్
దేశీయ స్టాక్ మార్కెట్లు ఊగిసలాట మధ్య కదలాడుతున్నాయి. బుధవారం సెషన్ను లాభాలతో ప్రారంభించిన సెన్సెక్స్.. నిమిషాల వ్యవధిలోనే నష్టాల్లోకి మళ్లింది. బాంబే స్టాక్ ఎక్స్ఛేంజీ సూచీ సెన్సెక్స్.. ప్రారంభంలో 276 పాయింట్లు వృద్ధి చెందింది. అనంతరం 130 పాయింట్ల మేర పతనమైంది. ప్రస్తుతం 125 లాభంతో.. 58,267 వద్ద ట్రేడవుతోంది.
30 షేర్ల ఇండెక్స్లో మహీంద్ర అండ్ మహీంద్ర, హెచ్డీఎఫ్సీ, పవర్ గ్రిడ్, బజాజ్ ఫైనాన్స్ తదితర షేర్లు లాభాల్లో కొనసాగుతున్నాయి.
మరోవైపు, టాటా స్టీల్, టైటాన్, ఐసీఐసీఐ షేర్లు నష్టాల బాటలో పయనిస్తున్నాయి.
అటు నిఫ్టీ సైతం లాభాలతోనే ట్రేడింగ్ ప్రారంభించింది. 43 పాయింట్లు వృద్ధి చెంది.. 17,395 వద్ద ట్రేడవుతోంది.
