15:42 January 11
దేశీయ స్టాక్ మార్కెట్లు లాభాల్లో ముగిశాయి. మంగళవారం సెషన్ను తొలుత స్వల్ప లాభాలతో ప్రారంభించిన సూచీలు.. కొద్దిసేపటికే నష్టాల్లోకి జారుకున్నాయి. అనంతరం తీవ్ర ఒడుదొడుకులను ఎదుర్కొని.. చివరకు లాభాల్లో ముగిశాయి. బొంబాయి స్టాక్ ఎక్స్చేంజీ సూచీ-సెన్సెక్స్ 221 పాయింట్లు పెరిగి 60,617 వద్ద సెషన్ను ముగించింది. మరో సూచీ నిఫ్టీ 52 పాయింట్లు లాభంతో 18,055 వద్ద స్థిరపడింది.
త్రైమాసిక ఫలితాలు మెరుగ్గా ఉంటాయన్న ఆశల మధ్య ఐటీ, ఆర్థిక షేర్ల కొనుగోలుకు మదుపర్లు మొగ్గుచూపడం లాభాలకు కారణమైంది.
14:23 January 11
స్టాక్ మార్కెట్ సూచీలు భారీ లాభాల దిశగా సాగుతున్నాయి. ఉదయం సెషన్ స్తబ్దుగా ప్రారంభమైనప్పటికీ ఆ తర్వాత తేరుకుని పుంజుకున్నాయి. ఈ క్రమంలోనే సెన్సెక్స్ 254 పాయింట్లు లాభపడి 60,649కి చేరింది. నిఫ్టీ 60 పాయింట్లు వృద్ధి చెంది 18,063 వద్ద ట్రేడవుతోంది.
09:53 January 11
ఉదయం నుంచి ఒడుదొడుకుల మధ్య కదలాడుతున్న స్టాక్ మార్కెట్ సూచీలు లాభాల బాట పట్టాయి. సెన్సెక్స్ 137 పాయింట్లు వృద్ధి చెంది 60,533కి చేరింది. నిఫ్టీ 24 పాయింట్లు పెరిగి 18,028 వద్ద ట్రేడవుతోంది.
హెచ్సీఎల్ టెక్, హెచ్డీఎఫ్సీ, దివీస్ ల్యాబ్స్ షేర్లు లాభాల్లో ఉన్నాయి.
జేఎస్డబ్ల్యూ స్టీల్, టాటా స్టీల్, బజాజ్ ఫైనాన్స్, ఏషియన్ పెయింట్స్ షేర్లు నష్టాల్లో కొనసాగుతున్నాయి.
08:44 January 11
stock market live updates
Stock market live updates: స్టాక్ మార్కెట్లు మంగళవారం ఫ్లాట్గా ప్రారంభమయ్యాయి. అంతర్జాతీయంగా ప్రతికూల పవనాలతో సెన్సెక్స్ స్వల్పంగా 50కిపైగా పాయింట్లు కోల్పోయి 60,338కి చేరింది. జాతీయ స్టాక్ ఎక్స్ఛేంజీ నిఫ్టీ 5 పాయింట్లు క్షీణించి 17,997వద్ద కదలాడుతోంది.
