మార్కెట్లకు స్వల్ప నష్టాలు- సెన్సెక్స్ 163 డౌన్​

15:42 August 18

స్టాక్ మార్కెట్ల వరుస లాభాలకు బుధవారం బ్రేక్ పడింది. సెన్సెక్స్ 163 పాయింట్లు తగ్గి 55,629 వద్ద స్థిరపడింది. నిఫ్టీ 46 పాయింట్ల నష్టంతో 16,568 వద్ద ముగిసింది.

• అల్ట్రాటెక్ సిమెంట్, బజాజ్ ఫినాన్స్, బజాజ్​ ఫిన్​సర్వ్​, నెస్లే ఇండియా, బజాజ్​ ఆటో షేర్లు లాభాలను గడించాయి.
• కోటక్ మహీంద్రా బ్యాంక్, ఐసీఐసీఐ బ్యాంక్, పవర్​గ్రిడ్​, హెచ్​డీఎఫ్​సీ, ఇండస్​ఇండ్ బ్యాంక్​ షేర్లు నష్టాలను మూటగట్టుకున్నాయి.

ఇతర మార్కెట్లు

ఆసియాలో ఇతర ప్రధాన మార్కెట్లలో.. షాంఘై (చైనా), నిక్కీ (జపాన్​), కోస్పీ (దక్షిణ కొరియా), హాంగ్​సెంగ్ (హాంకాంగ్​) సూచీలు వరుస నష్టాల నుంచి తేరుకుని బుధవారం సానుకూలంగా ముగిశాయి.

09:06 August 18

Stocks live

స్టాక్ మార్కెట్లు బుధవారం సెషన్​ను లాభాలతో ప్రారంభించాయి. బాంబే స్టాక్ ఎక్స్ఛేంజీ సూచీ.. సెన్సెక్స్ 260 పాయింట్లు వృద్ధి చెంది 56 వేల మార్కుని దాటింది. ప్రస్తుతం జీవితకాల గరిష్ఠం 56,096 వద్ద ట్రేడవుతోంది. మరోవైపు, జాతీయ స్టాక్ ఎక్స్ఛేంజీ సూచీ నిఫ్టీ సైతం లాభాలతోనే ట్రేడింగ్ ఆరంభించింది. 70 పాయింట్లు వృద్ధి చెంది .. 16,687 వద్ద కొనసాగుతోంది.

• హెచ్​డీఎఫ్సీ, అల్ట్రాటెక్, బజాజ్, పవర్ గ్రిడ్ కంపెనీల షేర్లు లాభాల్లో కొనసాగుతున్నాయి.
• విప్రో, టాటామోటార్స్​, ఐఓసీ, బజాాజ్ ఆటో షేర్లు నష్టాల్లో ఉన్నాయి.