భారీ లాభాలు ఆర్జించిన స్టాక్​మార్కెట్లు

అంతర్జాతీయ సానుకూల పవనాలు, ముడి చమురు ధరల తగ్గుదలతో బుధవారం స్టాక్​మార్కెట్లు భారీ లాభాలు ఆర్జించాయి.

గత మూడు సెషన్ల వరుస నష్టాల తరువాత బుధవారం స్టాక్​ మార్కెట్లు భారీ లాభాలతో ముగిశాయి. అంతర్జాతీయ మార్కెట్లు నుంచి సానుకూల పవనాలు రావడం, ముడి చమురు ధరల తగ్గుముఖం పట్టడం ఇందుకు కారణం.

బొంబాయి స్టాక్​ ఎక్స్చేంజి సూచీ-సెన్సెక్స్​ 489.80 పాయింట్లు (1.27 శాతం) లాభపడి 38 వేల 095.35 వద్ద ముగిసింది. జాతీయ స్టాక్​ ఎక్స్చేంజి సూచీ-నిఫ్టీ 150.20 పాయింట్లు (1.30 శాతం) వృద్ధిచెంది 11 వేల 740.85 వద్ద స్థిరపడింది.

లాభాల్లో

హెచ్​సీఎల్​, ఓఎన్​జీసీ సుమారు 3.40 శాతం వరకు లాభపడ్డాయి. ఇండస్​ఇండ్​ బ్యాంకు, యెస్​ బ్యాంకు, భారతీ ఎయిర్​టెల్​, హెచ్​డీఎఫ్​సీ, హెచ్​డీఎఫ్​సీ బ్యాంకు, ఆర్​ఐఎల్​, బజాజ్​ ఫైనాన్స్​, ఎస్బీఐ, టీసీఎస్​, ఇన్ఫోసిస్​, ఐసీఐసీఐ బ్యాంకు, ఐటీసీ సుమారు 2.75 శాతం లాభాలను ఆర్జించాయి.

నష్టాల్లో

టాటా మోటార్స్, హీరో మోటాకార్ప్​, కోల్​ ఇండియా, పవర్​గ్రిడ్​, మారుతీ, యాక్సిస్ బ్యాంకు, ఎన్టీపీసీ సుమారు 3.33 శాతం వరకు నష్టపోయాయి.

0.08 శాతం తగ్గిన చమురు ధర

అంతర్జాతీయంగా ముడిచమురు ధర 0.08 శాతం తగ్గింది. ప్రస్తుతం బ్యారెల్​ ధర 74.45 డాలర్లుగా ఉంది.

క్షీణించిన రూపాయి విలువ

రూపాయి విలువ 21 పైసలు క్షీణించి, ప్రస్తుతం ఒక అమెరికా డాలర్​కు రూ.69.83లుగా ఉంది.

ఇదీ చూడండి: వీవీప్యాట్​ స్లిప్పుల లెక్కింపుపై రివ్యూ పిటిషన్​