ఇన్ఫోసిస్ షేర్ల పతనంతో మంగళవారం భారీ నష్టాలను మూటగట్టుకున్న దేశీయ మార్కెట్లు.. బుధవారం ఫ్లాట్గా ప్రారంభమయ్యాయి. అంతర్జాతీయ మార్కెట్లలోని మిశ్రమ ఫలితాలు, విదేశీ నిధుల ఉపసంహరణకు తోడు ఇన్ఫోసిస్ భయాలతో మదుపర్లు అప్రమత్తంగా వ్యవహరిస్తున్నారు.
బొంబాయి స్టాక్ ఎక్స్ఛేంజి సూచీ- సెన్సెక్స్ 65 పాయింట్ల నష్టంతో 38,896 వద్ద ట్రేడవుతోంది.
జాతీయ స్టాక్ ఎక్స్చేంజి సూచీ- నిఫ్టీ 22 పాయింట్లు క్షీణించి 11,569 వద్ద కొనసాగుతోంది.
లాభనష్టాల్లోనివి..
హెచ్సీఎల్ టెక్, బజాజ్ ఫిన్సెర్వ్, సన్ ఫార్మా, టీసీఎస్, టేక్ మహీంద్ర, యాక్సిస్ బ్యాంక్, రిలయన్స్, బ్రిటానియా లాభాల్లో కొనసాగుతున్నాయి.
ఎస్ బ్యాంక్, అదాని పోర్ట్, టాటా మోటర్స్, జీ ఎంటర్టైన్మెంట్స్, ఇండస్ ఇండ్ బ్యాంక్, హెచ్యూఎల్, ఓఎన్జీసీ, పవర్గ్రిడ్, ఎల్అండ్టీ సుమారు 2.5 శాతం నష్టాలను మూటగట్టుకున్నాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 4 పైసలు లాభపడి రూ.70.98 వద్ద కొనసాగుతోంది.
