మార్కెట్లపై ఆంక్షల భయాలు- 14,300 దిగువకు నిఫ్టీ

స్టాక్ మార్కెట్లు మంగళవారం కూడా నష్టాలను నమోదు చేశాయి. సెన్సెక్స్ 244 పాయింట్లు తగ్గి.. 47,750 దిగువకు చేరింది. నిఫ్టీ 63 పాయింట్లు నష్టపోయి.. 14,300 మార్క్​ను కోల్పోయింది. ప్రతికూల పరిస్థితుల్లోనూ ఆటో షేర్లు రాణించాయి.

ఆరంభంలో లాభాలతో ఊరించిన స్టాక్ మార్కెట్లు చివరకు నష్టాలతో ముగిశాయి. మంగళవారం సెషన్​లో బీఎస్​ఈ-సెన్సెక్స్ 244 పాయింట్లు తగ్గి 47,705 వద్దకు చేరింది. ఎన్​ఎస్​ఈ- నిఫ్టీ 63 పాయింట్లు కోల్పోయి 14,296 వద్ద స్థిరపడింది.

ఐటీ, ఎఫ్​ఎంసీజీ, బ్యాంకింగ్ రంగాలు సహా రిలయన్స్ ఇండస్ట్రీస్ వంటి దిగ్గజ షేర్లు అమ్మకాల ఒత్తిడి ఎదుర్కోవడం నష్టాలకు ప్రధాన కారణంగా తెలుస్తోంది. దీనికి తోడు వివిధ రాష్ట్రాలు విధిస్తున్న కఠిన ఆంక్షలు మదుపరుల సెంటిమెంట్​పై ప్రతికూల ప్రభావం చూపడం అమ్మకాలకు దారి తీసినట్లు విశ్లేషకులు చెబుతున్నారు.

ఇంట్రాడే సాగిందిలా..

సెన్సెక్స్ 48,478 పాయింట్ల అత్యధిక స్థాయి, 47,438 పాయింట్ల అత్యల్ప స్థాయిలను నమోదు చేసింది.

నిఫ్టీ 14,527 పాయింట్ల గరిష్ఠ స్థాయి 14,207 పాయింట్ల కనిష్ఠ స్థాయిల మధ్య కదలాడింది.

లాభనష్టాల్లోనివి ఇవే..

డాక్టర్​ రెడ్డీస్​, బజాజ్​ ఫిన్​సర్వ్, బజాజ్ ఫినాన్స్, బజాజ్ ఆటో, ఎం&ఎం, మారుతీ సుజుకీ షేర్లు లాభాలను గడించాయి.

అల్ట్రాటెక్ సిమెంట్, హెచ్​సీఎల్​టెక్​, హెచ్​డీఎఫ్​సీ, టెక్​ మహీంద్రా, హెచ్​డీఎఫ్​సీ బ్యాంక్, హెచ్​యూఎల్​ షేర్లు నష్టపోయాయి.

ఇతర మార్కెట్లు

ఆసియాలో ఇతర ప్రధాన స్టాక్ మార్కెట్లు అయిన.. సియోల్, హాంకాంగ్ సూచీలు లాభాలు నమోదు చేశాయి. షాంఘై, టోక్యో సూచీలు నష్టాలతో ముగిశాయి.

ఇదీ చదవండి:హ్యూందాయ్​ కార్లపై రూ.1.5 లక్షల వరకు డిస్కౌంట్​!