అంతర్జాతీయ మార్కెట్ల నుంచి సానుకూల సంకేతాలు, విదేశీ నిధుల ప్రవాహంతో ఇవాళ ఆరంభ ట్రేడింగ్లో భారీ లాభాల్లోకి దూసుకెళ్లిన దేశీయ మార్కెట్లు చివరికి స్వల్ప లాభాలతో ముగిశాయి. మదుపరులు లాభాలు స్వీకరించేందుకు మొగ్గుచూపటమే ఇందుకు కారణం.
బొంబాయి స్టాక్ ఎక్స్చేంజి సూచీ- సెన్సెక్స్ ఆరంభ ట్రేడింగ్లో 640 పాయింట్ల మేర దూసుకెళ్లింది. చివరకు 83.34 పాయింట్లు లాభంతో 34,370 వద్ద ముగిసింది.
జాతీయ స్టాక్ ఎక్స్చేంజి సూచీ- నిఫ్టీ 25 పాయింట్ల వృద్ధితో 10వేల 176 వద్ద స్థిరపడింది.
లాభనష్టాల్లోనివి..
ఇండస్ఇండ్ బ్యాంక్ సుమారు 7 శాతం మేర లాభాలు అర్జించింది. ఆ తర్వాత యాక్సిస్ బ్యాంక్, బజాజ్ ఫైనాన్స్, ఓఎన్జీసీ, టైటాన్, ఇన్ఫోసిస్, టెక్ మహీంద్రా లాభాల్లో ముగిశాయి. జియోలో అబుదాబి సంస్థ భారీగా పెట్టుబడులు పెట్టిన క్రమంలో రిలయన్స్ షేర్లు 3 శాతం పెరిగి ఏడాది గరిష్ఠాన్ని తాకాయి.
హెచ్డీఎఫ్సీ బ్యాంకు, నెస్లే ఇండియా, అల్ట్రాటెక్ సిమెంట్, ఎం అండ్ ఎం, జీ ఎంటర్టైన్మెంట్, శ్రీ సిమెంట్, ఐషర్ మోటర్స్, ఎం అండ్ ఎం, భారతీ ఎయిర్టెల్ నష్టాలు మూటగట్టుకున్నాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 3 పైసలు లాభపడి రూ. 75.55 వద్దకు చేరింది.
