15:51 June 15
భారీ నష్టాలతో ముగిసిన స్టాక్మార్కెట్లు...
అంతర్జాతీయంగా బలహీన సంకేతాలతో.. వారం ఆరంభ సెషన్లోనే స్టాక్మార్కెట్లు భారీ నష్టాల్లో ముగిశాయి. సెన్సెక్స్ 552 పాయింట్లు కోల్పోయింది. నిఫ్టీ 159 పాయింట్లు నష్టపోయి.. 9 వేల 813 వద్ద స్థిరపడింది.
ఫార్మా, పీఎస్యూ బ్యాంకు రంగాలు మినహా.. మిగతావన్నీ డీలాపడ్డాయి.
11:35 June 15
స్టాక్మార్కెట్లు భారీ నష్టాల దిశగా సాగుతున్నాయి. కరోనా సెకండ్ వేవ్ భయాలతో ఆసియా మార్కెట్లలో బలహీన సంకేతాలే నష్టాలకు కారణం. బ్యాంకింగ్, లోహ రంగాల షేర్లు భారీ ఒడుదొడుకుల్లో కొనసాగుతున్నాయి. ఫార్మా మినహా మిగతా రంగాలన్నీ నష్టాల్లోనే ఉన్నాయి. సెన్సెక్స్ 700 పాయింట్లకుపైగా నష్టపోయింది. ప్రస్తుతం 724 పాయింట్ల నష్టంతో 33 వేల 56 వద్ద కొనసాగుతోంది.
నిఫ్టీ 9 వేల 8 వందల మార్కు దిగువకు చేరింది. 207 పాయింట్లు కోల్పోయి.. ప్రస్తుతం 9 వేల 766 వద్ద ట్రేడవుతోంది.
10:01 June 15
అంతర్జాతీయ మార్కెట్ల నుంచి బలహీన సంకేతాలు, నిరంతర విదేశీ నిధుల ప్రవాహం కారణంగా స్టాక్ మార్కెట్లు నష్టాలతో వారాన్ని ప్రారంభించాయి. బొంబాయి స్టాక్ ఎక్స్చేంజి సూచీ సెన్సెక్స్ ఆరంభ ట్రేడింగ్లో భారీగా నష్టపోయింది. ప్రస్తుతం 459 పాయింట్లు కోల్పోయి... 33 వేల 321 వద్ద కొనసాగుతోంది.
జాతీయ స్టాక్ ఎక్స్చేంజి సూచీ నిఫ్టీ 118 పాయింట్ల నష్టంతో 9854 వద్ద ట్రేడవుతోంది.
ముఖ్యంగా ఆర్థిక రంగ షేర్లు డీలాపడ్డాయి.
రిలయన్స్ జియో ప్లాట్ఫాంలో మరిన్ని అంతర్జాతీయ సంస్థలు పెట్టుబడులు పెట్టనున్నట్లు కంపెనీ ప్రకటించిన నేపథ్యంలో.. రిలయన్స్ ఇండస్ట్రీస్ షేర్లు దూసుకెళ్తున్నాయి.
నష్టాల్లోనివివే..
ఇండస్ఇండ్ బ్యాంక్ భారీ నష్టాలను నమోదుచేసింది. 4 శాతానికి పైగా కోల్పోయింది. టాటా స్టీల్, బజాజ్ ఫినాన్స్, ఐసీఐసీఐ బ్యాంక్, యాక్సిస్ బ్యాంక్, ఎన్టీపీసీ, ఎస్బీఐ, హెచ్డీఎఫ్సీ నష్టపోయిన కంపెనీల జాబితాలో ఉన్నాయి.
సన్ఫార్మా, ఇన్ఫోసిస్, నెస్లే ఇండియా, ఏషియన్ పెయింట్స్ రాణిస్తున్నాయి.
ప్రపంచ దేశాల్లో కరోనా కేసులు మళ్లీ విజృంభిస్తున్నాయన్న భయాలు అంతర్జాతీయ మార్కెట్లను వెంటాడుతున్నాయి.
ఆసియా మార్కెట్లు...
ఆసియా మార్కెట్లలో షాంఘై, హాంకాంగ్, టోక్యో, సియోల్ సూచీలు నష్టాల్లోనే ట్రేడవుతున్నాయి.
ముడి చమురు ధరల సూచీ-బ్రెంట్ 2.01 శాతం క్షీణించి.. బ్యారెల్ ముడి చమురు ధర అంతర్జాతీయ మార్కెట్లో 37.95 డాలర్లకు చేరింది.
09:30 June 15
నష్టాల్లో స్టాక్మార్కెట్లు.. 10 వేల దిగువకు నిఫ్టీ
స్టాక్మార్కెట్లు నష్టాలతో ప్రారంభమయ్యాయి.సెన్సెక్స్ ఆరంభ ట్రేడింగ్లో 200 పాయింట్లకు పైగా కోల్పోయింది. ప్రస్తుతం 318 పాయింట్ల నష్టంతో 33 వేల 462 వద్ద కొనసాగుతోంది.
జాతీయ స్టాక్ ఎక్స్చేంజి సూచీ నిఫ్టీ 9 వేల 9 వందల మార్కును కోల్పోయింది. ప్రస్తుతం 87 పాయింట్లు కోల్పోయి.. 9 వేల 885 వద్ద ట్రేడవుతోంది.
ఆసియా మార్కెట్లలో బలహీన సంకేతాలే నష్టాలకు కారణం. టాటా స్టీల్, ఎల్ అండ టీ, ఇండస్ఇండ్ బ్యాంక్, ఎన్టీపీసీ, ఐటీసీ నష్టాల్లో ఉన్నాయి.
