దేశీయ మార్కెట్లపై అంతర్జాతీయ పరిణామాలు బలంగా పనిచేస్తున్నాయి. కరోనా వైరస్పై డబ్ల్యూహెచ్ఓ, అమెరికా అధ్యక్షుడు డొనాల్డ్ ట్రంప్ ప్రకటనల నేపథ్యంలో సెన్సెక్స్, నిఫ్టీ.. పతనాల్లో కొత్త రికార్డులను సృష్టిస్తున్నాయి.
ఉదయం నుంచి భారీ నష్టాల్లోనే స్టాక్ మార్కెట్లు ట్రేడవుతున్నాయి. సెన్సెక్స్ 2,216 పాయింట్ల పతనమై 33,481 పాయింట్ల వద్ద కొనసాగుతోంది. 662 పాయింట్లు కోల్పోయిన నిఫ్టీ 9,796 పాయింట్లకు పడిపోయింది.
ఇంట్రాడే అత్యధికం..
ఒకానొక దశలో ఇంట్రాడేలో సెన్సెక్స్, నిఫ్టీ అత్యంత భారీ పతనాన్ని నమోదు చేశాయి. పాత రికార్డులను బద్దలుకొడుతూ బీఎస్ఈ సూచీ 2,707 పాయింట్లు, ఎన్ఎస్ఈ సూచీ 810 పాయింట్లు కోల్పోయాయి.
సెషన్ ప్రారంభానికి ముందు బీఎస్ఈ మార్కెట్ విలువ రూ.137 లక్షల కోట్లుగా ఉంది. ఈ స్థాయి పతనాలతో మదుపరుల సంపద రూ.9.15 లక్షల కోట్లు హరించుకుపోయింది.