దేశంలో ఇంధన ధరల పెంపు కొనసాగుతోంది(Petrol price hike). దేశవ్యాప్తంగా గురువారం మరోసారి పెట్రోల్, డీజిల్ ధరలు పెరిగాయి. దిల్లీలో లీటరు పెట్రోల్ ధర 30 పైసలు.. డీజిల్ ధర 35 పైసలు పెరిగింది. ఈ మేరకు చమురు సంస్థలు నిర్ణయం తీసుకున్నాయి. దీంతో దిల్లీలో లీటర్ పెట్రోల్ ధర రూ.103.24కు చేరగా.. లీటర్ డీజిల్ ధర రూ.91.78గా ఉంది.
దేశ ఆర్థిక రాజధాని ముంబయిలో ప్రస్తుతం పెట్రోల్ ధర రూ.109.22గా ఉంది. డీజిల్ ధర రూ.99.51కి చేరింది.
తెలుగు రాష్ట్రాల్లో...
- హైదరాబాద్లో (Petrol Price in Hyderabad) పెట్రోల్ లీటర్ ధర 32 పైసలు పెరిగింది. ఫలితంగా ప్రస్తుతం లీటర్ ధర రూ.107.36కు చేరుకుంది. మరోవైపు డీజిల్ ధర 38 పైసలు అధికమై.. లీటర్కు రూ.100.09కు చేరింది.
- విశాఖపట్నంలో (Petrol Price in Vizag) 30 పైసలు పెరిగిన లీటర్ పెట్రోల్ ధర.. రూ.108.25కు చేరుకుంది. డీజిల్పై 37 పైసలు పెరిగి.. రూ.100.47కు చేరింది.
- గుంటూరులో (Petrol Price in Guntur) పెట్రోల్ ధర 30 పైసలు ఎగబాకింది. ప్రస్తుతం లీటర్ ధర రూ.109.52గా ఉంది. డీజిల్ లీటర్కు 37 పైసలు పెరిగి.. రూ.101.7 వద్ద ఉంది.
ఇదీ చూడండి:రూ.5 లక్షల్లో కొత్త కార్ కొనాలా? ఇవి చూడండి...
ఇదీ చూడండి:భద్రతతో పాటు ఆదాయానిచ్చే ఎస్బీఐ గోల్డ్ స్కీం
