దేశీయ స్టాక్ మార్కెట్లు మంగళవారం లాభాలతో ముగిశాయి. బొంబాయి స్టాక్ మార్కెట్ సూచీ- సెన్సెక్స్ 315 పాయింట్లు బలపడి 43,953 పాయింట్ల వద్ద స్థిరపడింది.
జాతీయ స్టాక్ ఎక్స్ఛేంజి సూచీ- నిఫ్టీ 94 పాయింట్ల పెరిగి 12,874 పాయింట్లకు చేరింది.
ప్రారంభ సెషన్లో భారీగా లాభాలు ఆర్జించిన సెన్సెక్స్.. మొదటిసారి 44వేల మార్కును దాటింది. తర్వాత స్పల్పంగా నెమ్మదించి 44 వేల దిగువన స్థిరపడింది. దేశీయ మార్కెట్లు ఇదే జోరు కొనసాగిస్తే 2020లోపే సెన్సెక్స్ 45 వేల మార్కును అందుకుంటుందని విశ్లేషకులు అంచనా వేస్తున్నారు.