15:35 March 15
నష్టాల్లో ముగిసిన మార్కెట్లు- 15వేల దిగువకు నిఫ్టీ
బ్యాంకింగ్, ఆర్థిక రంగాల్లో అమ్మకాల ఒత్తిడి, ద్రవ్యోల్బణంపై బయాలకు తోడు ఆసియా మార్కెట్ల నుంచి ప్రతికూల పవనాలతో దేశీయ స్టాక్ మార్కెట్లు నష్టాల్లో ముగిశాయి.
బొంబాయి స్టాక్ ఎక్స్ఛేంజి సూచీ సెన్సెక్స్- 397 పాయింట్ల నష్టంతో 50,395 వద్ద ముగిసింది.
జాతీయ స్టాక్ ఎక్స్ఛేంజి సూచీ నిఫ్టీ- 101 పాయింట్ల పతనంతో 14,929 వద్ద స్థిరపడింది.
13:40 March 15
యాక్సిస్ బ్యాంక్ 4 శాతం డౌన్..
స్టాక్ మార్కెట్లు మిడ్ సెషన్ తర్వాత కూడా భారీ నష్టాల్లో స్థిరంగా కొనసాగుతున్నాయి. సెన్సెక్స్ 845 పాయింట్లకుపైగా కోల్పోయి.. 49,942 వద్ద ట్రేడవుతోంది. నిఫ్టీ 230 పాయింట్లకుపైగా నష్టంతో 14,799 వద్ద కొనసాగుతోంది.
11:46 March 15
బజాజ్ ఫినాన్స్ జంట షేర్లు కుదేలు..
స్టాక్ మార్కెట్లు భారీ నష్టాల్లో ట్రేడవుతున్నాయి. సెన్సెక్స్ దాదాపు 870 పాయింట్లు కోల్పోయి.. 49,917 వద్ద కొనసాగుతోంది. నిఫ్టీ 240 పాయింట్లకుపైగా నష్టంతో 14,788 వద్ద ట్రేడవుతోంది.
జనవరిలో పారిశ్రామికోత్పత్తి క్షీణించడం, ఫిబ్రవరిలో రిటైల్ ద్రవ్యోల్బణం.. ఆర్బీఐ, ప్రభుత్వం పెట్టుకున్న ప్రామాణిక స్థాయికన్నా అధికంగా నమోదవడం వంటి అంశాలు మార్కెట్లపై ప్రతికూల ప్రభావం చూపుతున్నాయి. దీనితో పాటు దేశంలో కరోనా కేసులు మళ్లీ పెద్ద సంఖ్యలో పెరుగుతుండటం కూడా నష్టాలకు కారణంగా తెలుస్తోంది.
ఐటీ మినహా మిగత ఆన్ని రంగాలు నష్టాల్లోనే ఉన్నాయి. ఆర్థిక షేర్లు ప్రధానంగా ఒడుదొడుకులు ఎదుర్కొంటున్నాయి.
10:07 March 15
స్టాక్ మార్కెట్లు భారీ నష్టాలతో ప్రారంభమయ్యాయి. బాంబే స్టాక్ ఎక్స్ఛేంజీ సూచీ సెన్సెక్స్.. ప్రస్తుతం 500 పాయింట్ల నష్టంతో 50,280 వద్ద ట్రేడవుతోంది.
మరోవైపు, జాతీయ స్టాక్ ఎక్స్ఛేంజీ సూచీ నిఫ్టీ సైతం భారీ నష్టాల్లో పయనిస్తోంది. 145 పాయింట్లు పతనమై... ప్రస్తుతం 14,880 వద్ద కదలాడుతోంది.
లాభనష్టాల్లోనివివే
బ్యాంకింగ్, ఫైనాన్స్ షేర్లు డీలా పడ్డాయి. సెన్సెక్స్ 30 షేర్లలో అత్యధికంగా యాక్సిస్ బ్యాంక్ 2.19 శాతం పతనమైంది. ఎస్బీఐ, బజాజ్ ఫైనాన్స్, కోటక్ బ్యాంక్, ఐసీఐసీఐ, హెచ్డీఎఫ్సీ, రిలయన్స్ షేర్లు నష్టాల్లో సాగుతున్నాయి.
పవర్గ్రిడ్, టెక్ మహీంద్ర స్వల్ప లాభాల్లో పయనిస్తున్నాయి.
కారణాలు!
సీపీఐ పెరుగుదల, పారిశ్రామిక ఉత్పత్తి పడిపోవడం వంటివి మదుపర్ల సెంటిమెంట్ను దెబ్బతీసినట్లు మార్కెట్ విశ్లేషకులు చెబుతున్నారు. అమెరికా ప్రభుత్వ బాండ్లపై వచ్చే రాబడి పెరగడం, కరోనా కేసులు వంటివి కూడా నష్టాలకు కారణమని స్పష్టం చేస్తున్నారు.
ఆసియా మార్కెట్లు
ఆసియాలోని మార్కెట్లు మిశ్రమంగా ట్రేడవుతున్నాయి. షాంఘై, సియోల్ స్టాక్ ఎక్స్ఛేంజీలు నష్టాల్లో ఉండగా.. హాంకాంగ్, టోక్యో మార్కెట్లు లాభాల్లో కొనసాగుతున్నాయి.
ముడిచమురు
అంతర్జాతీయంగా చమురు ధరలు 0.74 శాతం పెరిగాయి. దీంతో బ్యారెల్ చమురు ధర 69.73 డాలర్లకు చేరింది.
09:00 March 15
నష్టాల్లో స్టాక్ మార్కెట్లు
స్టాక్ మార్కెట్లు సోమవారం ఫ్లాట్గా ప్రారంభయ్యాయి. సెన్సెక్స్ 92 పాయింట్లు కోల్పోయింది. ప్రస్తుతం 50,700 వద్ద కదలాడుతోంది.
మరోవైపు, జాతీయ స్టాక్ ఎక్స్ఛేంజీ సూచీ నిఫ్టీ 26 పాయింట్లు నష్టపోయింది. ప్రస్తుతం 15,004 వద్ద ట్రేడవుతోంది.
