16:04 January 27
మార్కెట్ల భారీ పతనం
స్టాక్ మార్కెట్లు వరుసగా నాలుగో రోజూ భారీ నష్టాలతో ముగిశాయి. సెన్సెక్స్ ఏకంగా 938 పాయింట్లు తగ్గి 47,409 వద్దకు చేరింది. నిఫ్టీ 271 పాయింట్లు కోల్పోయి 13,967 వద్ద స్థిరపడింది.
లాభనష్టాల్లోనివి ఇవే..
టెక్ మహీంద్రా, ఐటీసీ, హెచ్సీఎల్టెక్, పవర్గ్రిడ్, అల్ట్రాటెక్ సిమెంట్, నెస్లే షేర్లు లాభాలను గడించాయి.
టైటాన్, ఇండస్ఇండ్ బ్యాంక్, యాక్సిస్ బ్యాంక్, ఎం&ఎం, డాక్టర్ రెడ్డీస్, హెచ్డీఎఫ్సీ బ్యాంక్, షేర్లు భారీగా నష్టాపోయాయి.
13:56 January 27
కుప్పకూలిన మార్కెట్లు..
స్టాక్ మార్కెట్లు భారీ నష్టాల్లో కొనసాగుతున్నాయి. సెన్సెక్స్ దాదాపు 950 పాయింట్లు తగ్గి. 47,390 వద్ద ట్రేడవుతోంది. నిఫ్టీ 270 పాయింట్ల నష్టంతో 14 వేల దిగువకు చేరింది.
గురువారంతో జనవరి డెరివేటివ్స్ గడువు ముగియనున్న నేపథ్యంలో భారీగా అమ్మకాలు నమోదవుతున్నాయి. దీనికి తోడు బ్యాంకింగ్, ఫార్మా షేర్లు, రిలయన్స్ ఇండస్ట్రీస్, టీసీఎస్ వంటి హెవీ వెయిట్ షేర్లూ అమ్మకాల ఒత్తిడి ఎదుర్కొంటుండటం నష్టాలకు కారణంగా తెలుస్తోంది.
అల్ట్రాటెక్ సిమెంట్, టెక్ మహీంద్రా, ఐటీసీ, ఎల్&టీ, పవర్గ్రిడ్ షేర్లు లాభాల్లో ఉన్నాయి.
యాక్సిస్ బ్యాంక్, ఇండస్ఇండ్ బ్యాంక్, డాక్టర్ రెడ్డీస్, సన్ఫార్మా, టైటాన్ షేర్ల భారీ నష్టాల్లో ట్రేడవుతున్నాయి.
11:53 January 27
48 వేల దిగువకు సెన్సెక్స్..
స్టాక్ మార్కెట్లు భారీ నష్టాల్లో కొనసాగుతున్నాయి. సెన్సెక్స్ 500 పాయింట్లకుపైగా కోల్పోయి.. ప్రస్తుతం 47 వేల 820 వద్ద ట్రేడవుతోంది.
నిఫ్టీ 130 పాయింట్లకుపైగా నష్టపోయింది.
08:49 January 27
అంతర్జాతీయంగా మిశ్రమ సంకేతాల నడుమ స్టాక్ మార్కెట్లు నష్టాల్లో పయనిస్తున్నాయి. బొంబాయి స్టాక్ ఎక్స్చేంజి సూచీ సెన్సెక్స్ ఆరంభంలోనే 200కుపైగా పాయింట్లు కోల్పోయింది.
ప్రస్తుతం 270 పాయింట్ల నష్టంతో.. 48 వేల 78 వద్ద కొనసాగుతోంది.
జాతీయ స్టాక్ ఎక్స్చేంజి సూచీ నిఫ్టీ 66 పాయింట్లు కోల్పోయి.. 14 వేల 173 వద్ద ట్రేడవుతోంది.
లాభనష్టాల్లో..
అదానీ పోర్ట్స్, ఐచర్ మోటార్స్, కోటక్ మహీంద్రా, ఎల్ అండ్ టీ, విప్రో లాభాల్లో ఉన్నాయి.
టాటా మోటార్స్, హీరో మోటోకార్ప్, రిలయన్స్, గెయిల్, జేఎస్డబ్ల్యూ స్టీల్ డీలాపడ్డాయి.
