15:40 November 25
కుదేలైన మార్కెట్లు..
స్టాక్మార్కెట్లు భారీగా నష్టపోయాయి. మదుపర్లు లాభాల స్వీకరణకు దిగడంతో.. సూచీలు పతనమయ్యాయి. సెన్సెక్స్ 695 పాయింట్లు నష్టపోయి.. 43 వేల 828 వద్ద స్థిరపడింది. నిఫ్టీ 197 పాయింట్లు క్షీణించి.. 12 వేల 858 వద్ద సెషన్ను ముగించింది.
బీఎస్ఈ-30 షేర్లలో ఓఎన్జీసీ, పవర్గ్రిడ్, ఇండస్ఇండ్ బ్యాంక్ తప్ప అన్నీ నష్టపోయాయి.
15:09 November 25
భారీ నష్టాల్లో స్టాక్ మార్కెట్లు...
స్టాక్మార్కెట్లు భారీ నష్టాల్లో ట్రేడవుతున్నాయి. సెన్సెక్స్ 700 పాయింట్లకుపైగా పతనమైంది. ప్రస్తుతం 43 వేల 818 వద్ద ఉంది. నిఫ్టీ 203 పాయింట్లు కోల్పోయి.. 12 వేల 851 వద్ద ట్రేడవుతోంది. బీఎస్ఈ సెన్సెక్స్లోని 30 షేర్లలో 3 తప్ప అన్నీ నష్టాల్లోనే ఉన్నాయి.
ఇండస్ ఇండ్, పవర్ గ్రిడ్, ఓఎన్జీసీ మాత్రమే లాభాల్లో ఉన్నాయి.
12:25 November 25
నష్టాల్లోకి జారిన మార్కెట్లు..
ఆరంభ లాభాల్ని కోల్పోయిన స్టాక్ మార్కెట్లు నష్టాల్లో సాగుతున్నాయి. సెన్సెక్స్ 299 పాయింట్ల నష్టంతో 44,224 పాయింట్ల వద్ద కొనసాగుతోంది.
నిప్టీ 68 పాయింట్లు్ క్షీణించి 12,988 పాయింట్లకు చేరింది.
లాభనష్టాల్లో..
ఓఎన్జీసీ, పవర్గ్రిడ్, బజాజ్ ఫిన్సర్వ్, అల్ట్రాటెక్ సిమెంట్స్, బజాజ్ ఆటో షేర్లు రాణిస్తున్నాయి.
కొటక్ బ్యాంక్, ఏషియన్ పెయింట్స్, సన్ఫార్మా, బజాజ్ ఫినాన్స్ షేర్లు వెనకబడ్డాయి.
09:31 November 25
స్టాక్ మార్కెట్లు
దేశీయ స్టాక్ మార్కెట్లు బుధవారం లాభాలతో ప్రారంభమయ్యాయి. బొంబాయి స్టాక్ ఎక్స్ఛేంజి సూచీ సెన్సెక్స్ 243 పాయింట్లు లాభపడి 44,766 పాయింట్ల వద్ద కొనసాగుతోంది.
జాతీయ స్టాక్ ఎక్స్ఛేంజి సూచీ నిఫ్టీ 71 పాయింట్లు మెరుగై 13,126 పాయింట్ల వద్దకు చేరింది.
మార్కెట్లకు ప్రధానంగా బలమైన ఎఫ్పీఐ ప్రవాహంతో నవంబర్లో దేశీయ సూచీల్లో ర్యాలీ కొనసాగుతోంది. కరోనా వ్యాక్సిన్ క్యాండిడేట్ల ఫలితాలు కూడా సానుకూలంగా రావటం మార్కెట్లకు కలిసివస్తోంది.
లాభనష్టాల్లో..
ఓఎన్జీసీ, ఎస్బీఐ, ఐసీఐసీఐ బ్యాంక్, బజాజ్ ఆటో, హెచ్డీఎఫ్సీ బ్యాంక్, టాటా స్టీల్ షేర్లు లాభాల్లో ఉన్నాయి.
టెక్ మహీంద్ర, హెచ్సీఎల్టెక్, ఏషియన్ పెయింట్స్, ఇన్ఫోసిస్, బజాజ్ ఫినాన్స్, నెస్లే షేర్లు వెనకబడ్డాయి.
ఆసియాలో జపాన్, హాంకాంగ్, దక్షిణ కొరియా లాభాల్లో ఉండగా.. షాంఘై మార్కెట్ నష్టాల్లో ఉంది.
చమురు..
అంతర్జాతీయ మార్కెట్లో బ్రెంట్ క్రూడ్ ధర 1.26 పెరిగి బ్యారెల్కు రూ.48.39 డాలర్లుగా ఉంది.