దేశీయ మార్కెట్లో పసిడి ధరకు మళ్లీ రెక్కలొచ్చాయి. ధన త్రయోదశితో పాటు పెళ్లిళ్ల సీజన్ కూడా దగ్గర పడుతున్న వేళ కొనుగోళ్లు ఊపందుకున్నాయి. ఫలితంగా బంగారం ధర మళ్లీ 39 వేల మార్క్‌ను దాటింది.
బులియన్‌ మార్కెట్లో శుక్రవారం 10 గ్రాముల పుత్తడి ధర రూ. 220 పెరిగి రూ. 39,240 పలికింది. వెండి కూడా బంగారం దారిలోనే పయనించింది. ఇవాళ ఒక్కరోజే రూ.670 పెరిగి కిలో వెండి ధర రూ. 47,680కి చేరింది.
పెళ్లిళ్ల సీజన్
ధన త్రయోదశినాడు బంగారం, వెండి ఆభరణాలు కొంటే మంచిదని చాలా మంది నమ్మకం. అయితే ఈ సారి మాత్రం బంగారం, వెండి అమ్మకాలు దాదాపు 40 శాతం తగ్గాయి. మరికొద్ది రోజుల్లో పెళ్లిళ్ల సీజన్ ప్రారంభం కానుంది. ఈ నేపథ్యంలో దేశీయంగా కొనుగోళ్లు పెరిగాయి.