ఒక్కరోజే రూ.1,533 తగ్గిన వెండి ధర

దేశంలో బంగారం, వెండి ధరలు సోమవారం తగ్గాయి. దిల్లీలో 10 గ్రాముల మేలిమి పుత్తడి ధర రూ.302 క్షీణించగా.. వెండి ధర కిలోకు రూ.1,533 తగ్గింది.

సోమవారం బంగారం ధర స్వల్పంగా తగ్గింది. దేశ రాజధానిలో 10 గ్రాముల స్వచ్ఛమైన పసిడి ధర రూ.302 తగ్గి రూ.44,269 వద్దకు చేరింది.

వెండి ధర కిలోకు రూ.1,533 మేర తగ్గి.. రూ.65,319కి చేరింది.

ఈ వారం జరగనున్న యూఎస్​ బాండ్ల వేలంపై ​మదుపరులు ఆసక్తి కనబరుస్తున్నారని.. ఫలితంగా బంగారం ధరలు ఒత్తిడిని ఎదుర్కొంటున్నాయని నిపుణులు విశ్లేషించారు.

అంతర్జాతీయ మార్కెట్​లో ఔన్సు బంగారం ధర 1,731 డాలర్లకు పెరిగింది. వెండి ధర ఔన్సుకు 25.55 డాలర్ల వద్దకు చేరింది.

ఇదీ చదవండి:కరోనా పంజా: అప్పులు ఆకాశానికి- పొదుపు పాతాళానికి!