ఈ వారం స్టాక్ మార్కెట్లకు(Stock markets) అంతర్జాతీయ పరిణామాలు, త్రైమాసిక ఫలితాలు, ఆర్థిక గణాంకాలు దిశా నిర్దేశం చేయనున్నాయని విశ్లేషకులు చెబుతున్నారు. ఈ వారంలో అమెరికా, చైనా ద్రవ్యోల్బణ రేటులను ప్రకటించనున్నాయి. ఇవి కూడా మార్కెట్లకు(Markets outlook) కీలకం కానున్నాయి.
"విదేశీ సంస్థాగత మదుపర్ల(ఎఫ్ఐఐఎస్) ప్రవర్తనతో పాటు అమెరికా, చైనాలోని ద్రవ్యోల్బణ రేట్లు ఈ వారం మార్కెట్ల కదలికలను కొంత మేర ప్రభావితం చేస్తాయి. అంతర్జాతీయ పరిణామాలతో సూచీలు సానుకూలంగా ప్రారంభం కావచ్చు. అయితే పలు కంపెనీ షేర్లు విలువ జీవిత కాల గరిష్ఠానికి చేరిన నేపథ్యంలో.. అమ్మకాల ఒత్తిడి ఉండే అవకాశం ఉంది."
- సంతోష్ మీనా, స్వస్తిక ఇన్వెస్ట్‌మార్ట్ హెడ్(పరిశోధన)