ట్రంప్​ ట్వీట్​తో ఆశలు- లాభాల్లో సూచీలు

అమెరికా-చైనా మధ్య వాణిజ్య చర్చలు కొలిక్కి వస్తాయన్న అమెరికా అధ్యక్షుడు ట్రంప్​ సంకేతాలతో దేశీయ మార్కెట్లు శుక్రవారం లాభాల్లో ప్రారంభమయ్యాయి. 426 పాయింట్ల లాభంతో 38,306 వద్ద సెన్సెక్స్​, 110 పాయింట్ల లాభంతో 11,347 పాయింట్ల వద్ద నిఫ్టీ ట్రేడవుతున్నాయి.

అమెరికా-చైనా వాణిజ్య యుద్ధానికి తెరపడుతుందన్న ఆశలతో స్టాక్​ మార్కెట్లు లాభాల్లో ట్రేడవుతున్నాయి. చైనా ఉప ప్రధాని లియూతో భేటీపై అమెరికా అధ్యక్షుడు డొనాల్డ్ ట్రంప్​ట్వీట్ చేసిన నేపథ్యంలో... మదుపర్లు ఉత్సాహంగా కొనుగోళ్లు జరుపుతున్నారు.

బొంబాయి స్టాక్​ ఎక్స్చేంజి సూచీ-సెన్సెక్స్​ 426 పాయింట్ల లాభంతో 38,306 వద్ద ట్రేడవుతోంది.

జాతీయ స్టాక్​ ఎక్స్చేంజి సూచీ-నిఫ్టీ 110 పాయింట్ల వృద్ధితో 11,347 పాయింట్ల వద్ద కొనసాగుతోంది.

లాభనష్టాల్లోనివి..

వేదాంత, టాటా స్టీల్​, హిండాల్కో, జేఎస్​డబ్ల్యూ స్టీల్​, కోల్​ ఇండియా లాభాల్లో కొనసాగుతున్నాయి.

టీసీఎస్​, సిప్లా, భారతీ ఇన్​ఫ్రాటెల్​, టెక్​ మహీంద్ర, ఐఓసీ నష్టాలను మూటగట్టుకున్నాయి.

రూపాయి...

రూపాయి మారకపు విలువ డాలరుతో పోలిస్తే 24 పైసలు బలపడి రూ.70.83 వద్ద అమ్ముడవుతోంది.