టోకు ధరల ఆధారిత ద్రవ్యోల్బణం(WPI inflation) మే నెలలోనూ జీవితకాల గరిష్ఠాన్ని నమోదు చేసింది. డబ్ల్యూపీఐ గత నెల 12.94 శాతంగా నమోదైనట్లు వాణిజ్య శాఖ వెల్లడించింది. క్రూడ్ ఆయిల్, తయారీ వస్తువుల ధరలు పెరగటమే ఇందుకు కారణంగా పేర్కొంది.
డబ్ల్యూపీఐ గత ఏడాది మేలో -3.37 శాతంగా, ఈ ఏడాది ఏప్రిల్లో 10.49 శాతంగా ఉండటం గమనార్హం. ఏప్రిల్లోనే టోకు ద్రవ్యోల్బణం తొలిసారి రెండంకెల స్థాయికి చేరింది.
వాణిజ్య శాఖ డేటాలో వెల్లడైన విషయాలు..
- ఇంధన ధరల ద్రవ్యోల్బణం ఈ ఏడాది మేలో.. ఏప్రిల్తో పోలిస్తే 20.94 శాతం నుంచి 37.61 శాతానికి పెరిగింది.
- తయారీ వస్తువుల టోకు ద్రవ్యోల్బణం గత నెల 10.83 శాతానికి చేరింది.
- ఉల్లి ధరలు పెరిగినా.. ఆహార ఉత్పత్తుల టోకు ద్రవ్యోల్బణం మాత్రం మేలో 4.31 శాతానికి తగ్గింది.
- ఉల్లి టోకు ద్రవ్యోణం గత నెల 23.24 శాతానికి పెరిగింది. ఏప్రిల్లో ఇది 19.72 శాతంగా ఉంది.
ఇదీ చదవండి:భారీగా కుదేలైన అదానీ షేర్లు.. కారణమిదే!
