ఆహార ధరలు పెరిగినా టోకు ద్రవ్యోల్బణం డౌన్

ఇంధన, విద్యుత్ ధరల పతనంతో జూన్​లో టోకు ధరల ఆధారిత ద్రవ్యోల్బణం (డబ్ల్యూపీఐ) 1.81 శాతం తగ్గింది. మే నెలలో డబ్ల్యూపీఐ 3.21 శాతంగా ఉంది.

టోకు ధరల ఆధారిత ద్రవ్యోల్బణం (డబ్ల్యూపీఐ) జూన్​లో భారీగా తగ్గింది. వాణిజ్య మంత్రిత్వ శాఖ విడుదల చేసిన గణాంకాల ప్రకారం జూన్​లో డబ్ల్యూపీఐ 1.81 శాతం క్షీణించింది.

ఆహార పదార్థాల ధరలు భారీగా పెరిగినా.. ఇంధన, విద్యుత్​ ధరలు తగ్గడం వల్ల ఈ స్థాయిలో టోకు ద్రవ్యోల్బణం దిగొచ్చినట్లు తెలుస్తోంది.

అధికారిక లెక్కల ప్రకారం 2020 మేలో టోకు ద్రవ్యోల్బణం 3.21 శాతంగా, గత ఏడాది జూన్​లో 2.02 శాతంగా ఉంది.

ఆహార పదార్థాల ద్రవ్యోల్బణం మేతో పోలిస్తే జూన్​లో 1.13 శాతం నుంచి 2.04 శాతానికి పెరిగింది. ఇదే సమయంలో ఇంధన, విద్యుత్​ ద్రవ్యోల్బణం 19.83 శాతం నుంచి 13.60 శాతానికి తగ్గింది.

తయారీ వస్తువుల ద్రవ్యోల్బణం కూడా జూన్​లో 0.08 శాతానికి పడిపోయింది. అంతకుముందు మేలో ఇది 0.42 శాతంగా ఉంది.

ఇదీ చూడండి:పసిడి పరుగు భవిష్యత్​లోనూ కొనసాగేనా?