2021-22 ఆర్థిక సంవత్సరంలో తొలి విడత సార్వభౌమ పసిడి బాండ్ల ఇష్యూ ఈ నెల 17 (సోమవారం) నుంచి 21 వరకు ఉంటుందని ఆర్థిక మంత్రిత్వ శాఖ ప్రకటించింది. ఆ తేదీల్లో దరఖాస్తు చేసుకున్న వారికి 25న బాండ్లు జారీ చేస్తామని వెల్లడించింది.
ఒక్కో గ్రాము ధర ఈ వారం చివరి 3 పని దినాల్లో ముగింపు ధర సరాసరిగా ఉంటుందని పేర్కొంది. డిజిటల్‌ పద్ధతిలో కొనుగోలు చేసేవారికి గ్రాముకు రూ.50 రాయితీ ప్రకటించింది.
ఏమిటీ సార్వభౌమ పసిడి బాండ్లు?
- సార్వభౌమ పసిడి బాండ్లు(ఎస్జీబీ) ప్రభుత్వం అందించే బాండ్లు లాంటివే.
- ఎస్జీబీలనూ గ్రాముల చొప్పునే తీసుకోవాల్సి ఉంటుంది.
- ప్రభుత్వం తరఫున వీటిని ఆర్బీఐ జారీ చేస్తుంది.
- దేశీయంగా బంగారంపై పొదుపును మళ్లించేందుకు ఎస్జీబీలను 2015లో ప్రవేశపెట్టారు.
- వార్షికంగా 2.5 శాతం రాబడి అర్జించవచ్చు.
- వడ్డీని ఆరు నెలలకు ఒక సారి బ్యాంక్ ఖాతాల ద్వారా చెల్లిస్తారు.
- భౌతికంగా నగల్లో ఉండే మేకింగ్‌ ఛార్జీలు, స్వచ్ఛత, తరుగు లాంటి ఇబ్బంది వీటిలో ఉండదు.
ఇదీ చదవండి:మస్క్ యూటర్న్- బిట్కాయిన్ 17% పతనం!
