చిల్లర ధరల ఆధారిత ద్రవ్యోల్బణం అక్టోబర్లో 4.62 శాతానికి పెరిగింది. ఆహార ఉత్పత్తుల ధరలు పెరగటమే ఇందుకు కారణంగా తాజా గణాంకాల్లో ప్రభుత్వం వెల్లడించింది.
ఈ ఏడాది సెప్టెంబర్లో రిటైల్ ద్రవ్యోల్బణం (సీపీఐ) 3.99 శాతంగా ఉండగా.. గత ఏడాది అక్టోబర్లో 3.38 శాతంగా నమోదైంది.
ఆహార ఉత్పత్తుల ద్రవ్యోల్బణం 2019 అక్టోబర్లో 7.89 శాతానికి పెరిగింది. సెప్టెంబర్లో ఇది 5.11 శాతంగా ఉండటం గమనార్హం.
ద్రవ్యోల్బణాన్ని 4 శాతానికి మించకుండా చూడాలని ఆర్బీఐ లక్ష్యంగా పెట్టుకుంది. అయితే ఈ సారి లక్ష్యాలను దాటి రిటైల్ ద్రవ్యోల్బణం పెరిగింది. ద్రవ్యోల్బణ గణాంకాల ఆధారంగానే ద్వైమాసిక సమావేశాల్లో రెపో రేట్లపై రిజర్వు బ్యాంక్ నిర్ణయాలు తీసుకుంటుంది.
ఇదీ చూడండి: ఇకపై ఫేస్బుక్లోనూ ఆన్లైన్ చెల్లింపులు!