దిగొచ్చిన రిటైల్ ద్రవ్యోల్బణం- డిసెంబర్​లో 4.59%

ఆహార ఉత్పత్తుల ధరల్లో తగ్గుదల కారణంగా.. వినియోగదారు ద్రవ్యోల్బణం 2020 డిసెంబర్​లో 4.59 శాతానికి దిగొచ్చింది. గత ఏడాది అక్టోబర్​, నవంబర్​లో అంచనాలను మించి రిటైల్ ద్రవ్యోల్బణం పెరగటం గమనార్హం.

రిటైల్​ ధరల ద్రవ్యోల్బణం (సీపీఐ) భారీగా దిగొచ్చింది. డిసెంబర్​లో 4.59 శాతంగా నమోదైంది. ఆహార ధరల్లో తగ్గుదల ఇందుకు ప్రధాన కారణం.

నవంబర్​లో సీపీఐ 6.93 శాతంగా ఉంది. ప్రభుత్వ అధికారిక గణాంకాల ద్వారా ఈ విషయం తెలిసింది.

ఆహార ద్రవ్యోల్బణం గత నెల 3.41 శాతానికి తగ్గింది. అంతకు ముందు నెల (నవంబర్​లో) ఇది 9.5 శాతంగా ఉంది.

పారిశ్రామికోత్పత్తి మళ్లీ డీలా..

2020 నవంబర్​లో పారిశ్రామికోత్పత్తి (ఐఐపీ) 1.9 శాతం క్షీణించినట్లు ప్రభుత్వ గణాంకాల్లో వెల్లడైంది.

తయారీ రంగ పీఎంఐ 2020 నవంబర్​లో 1.7 శాతం, గనుల విభాగం 7.3 శాతం తగ్గింది. విద్యుదుత్పాదన మాత్రం 3.5 శాతం వృద్ధిని నమోదుచేసింది.

ఇదీ చూడండి:స్వల్పంగా పెరిగిన బంగారం ధర