ఆర్బీఐ మూలధనంపై జలాన్​ కమిటీ నివేదిక సిద్ధం

ఆర్బీఐ మాజీ గవర్నర్ బిమల్ జలాన్ నేతృత్వంలో ఏర్పాటైన కమిటీ నివేదికను సిద్ధం చేసింది. ఈ నివేదికను ఆర్థిక మంత్రిత్వ శాఖకు సమర్పించిన తర్వాత పూర్తి వివరాలు వెల్లడయ్యే అవకాశం ఉంది.

ఆర్బీఐ మూలధనం పరిమితులపై నిర్ణయించేందుకు రిజర్వు బ్యాంకు మాజీ గవర్నర్ బిమల్ జలాన్ అధ్యక్షతన ఏర్పాటైన కమిటీ నివేదిక సిద్ధం చేసింది. ఆర్బీఐ ఆర్థిక మూలధన ముసాయిదా రూపొందించేందుకు ఆరుగురు సభ్యులతో బిమల్ జలాన్​ అధ్యక్షతన.. గత ఏడాది డిసెంబర్ 26న ఈ కమిటీని ఏర్పాటు చేసింది ఆర్థిక మంత్రిత్వ శాఖ.

ఆర్బీఐ మిగులు నిధులను వచ్చే 3 నుంచి 5 ఏళ్ల వరకు కేంద్రానికి బదిలీ చేయాలని కమిటీ సిఫార్సు చేసినట్లు విశ్వసనీయ వర్గాలు తెలిపాయి. అయితే కమిటీ నివేదికను ఆర్థిక మంత్రిత్వ శాఖకు సమర్పించిన తర్వాతనే పూర్తి వివరాలు వెల్లడయ్యే అవకాశం ఉంది.

ఇదీ చూడండి: మార్కెట్లోకి రెడ్​మీ కే20 ప్రో- కీ ఫీచర్స్​ ఇవే...