అక్టోబర్​లో పారిశ్రామికోత్పత్తి సూచీ నేల చూపులు

అక్టోబర్​లో పారిశ్రామికోత్పత్తి -3.8 శాతంగా నమోదైంది. విద్యుత్​, గనులు, తయారీ రంగాల్లో తీవ్ర మందగమనం నెలకొన్నట్లు అధికారిక గణాంకాల ద్వారా తెలిసింది.

పారిశ్రామికోత్పత్తి సూచీ(ఐఐపీ) అల్ప స్థాయికి చేరి.. ఈ ఏడాది అక్టోబర్​లో -3.8 శాతంగా నమోదైంది. విద్యుత్​, గనులు, తయారీ రంగాల్లో బలహీన ప్రదర్శన ఇందుకు కారణంగా తెలుస్తోంది.

గత ఏడాది అక్టోబర్​లో పారిశ్రామికోత్పత్తి 8.4 శాతం పెరగటం గమనార్హం.

రంగాల వారీగా లెక్కలివి..

• 2019 అక్టోబర్​లో తయారీ రంగం ఉత్పత్తి 2.1 శాతం క్షీణించింది. గత ఏడాది ఇదే నెలలో 8.2 శాతం పెరిగింది.
• విద్యుత్ ఉత్పత్తి 2019 అక్టోబర్​లో 12.2 శాతం తగ్గింది. 2018 అక్టోబర్​లో 10.8 శాతం వృద్ధి చెందింది.
• గనుల రంగంలో ఉత్పత్తి ఈ ఏడాది అక్టోబర్​లో 8 శాతం క్షీణించింది. గత ఏడాది పదో నెలలో 7.3 శాతం పెరిగింది.

ఇదీ చూడండి:నవంబర్​లో మూడేళ్ల గరిష్ఠానికి చిల్లర​ ద్రవ్యోల్బణం