ప్రస్తుత ఆర్థిక సంవత్సరం దేశ వృద్ధి రేటు క్షీణత 8 శాతంగా నమోదవ్వొచ్చని పరిశ్రమల విభాగం 'ఫిక్కీ' మంగవారం ప్రకటించింది. ఇదే నెలలో చేసిన ఎకానమిక్ ఔట్లుక్ సర్వే ద్వారా ఈ అంచనాలు వెల్లడించింది. ప్రముఖ ఆర్థికవేత్తలు బ్యాంకింగ్, ఆర్థిక విభాగాలు ఈ సర్వేలో పాల్గొన్నట్లు తెలిపింది.
ప్రస్తుత ఆర్థిక సంవత్సరంలో వ్యవసాయ రంగం 3.5 శాతం వృద్ధి రేటును నమోదు చేయొచ్చని వివరించింది ఫిక్కీ. 2020-21లో సానుకూల వృద్ధి రేటును నమోదు చేసే రంగం ఇదొక్కటేనని పేర్కొంది. లాక్డౌన్ సమయంలోనూ వ్యవసాయ కార్యకలాపాలు సాగటం, రుతుపవనాల సానుకూలతలు ఇందుకు కారణమని తెలిపింది.