కరోనా దెబ్బకు 11 ఏళ్ల కనిష్ఠానికి జీడీపీ

2019-20 ఆర్థిక సంవత్సరంలో జీడీపీ వృద్ధి రేటు భారీగా పడిపోయి 11 ఏళ్ల కనిష్ఠానికి చేరిందని ప్రభుత్వం వెల్లడించింది. గత త్రైమాసికంలో 3.1 శాతం జీడీపీ నమోదైందని పేర్కొంది.

కరోనా ప్రభావంతో 2020 జనవరి- మార్చి త్రైమాసికంలో భారత జీడీపీ వృద్ధిరేటు 3.1 శాతానికి పడిపోయింది. ఫలితంగా 2019- 20 ఆర్థిక సంవత్సరంలో వృద్ధిరేటు 4.2 శాతానికి పరిమితమైందని జాతీయ గణాంక కార్యాలయం వెల్లడించింది. 11 ఏళ్లలో ఇదే కనిష్ఠం.

2015 నుంచి వృద్ధి రేటు ఇలా...

ఎన్​ఎస్​ఓ నివేదిక ప్రకారం.. 2018-19 ఆర్థిక సంవత్సరం ఆఖరి త్రైమాసికంలో జీడీపీ పెరుగుదల 5.7 శాతంగా నమోదైంది. ఆ ఏడాది మొత్తం 6.1 శాతం వృద్ది రేటు నమోదు చేసింది.

2019- 20 సంవత్సరంలో జీడీపీ వృద్ధి రేటు 5 శాతంగా నమోదవుతుందని రిజర్వు బ్యాంకు జనవరి, ఫిబ్రవరి నెలల్లో అంచనా వేసింది.

రెండేళ్లలో..

కరోనా వైరస్ విజృంభణతో 2020 జనవరి-మార్చిలో చైనా ఆర్థిక వ్యవస్థ 6.8 శాతం తగ్గిపోయింది.