ప్రస్తుత ఆర్థిక సంవత్సరం చివరి రెండు త్రైమాసికాల్లో భారత వృద్ధి రేటు సానుకూలంగా నమోదు కావొచ్చని ఎస్బీఐ రీసెర్చ్ అశాభావం వ్యక్తం వేసింది. ఈ కారణంతో పూర్తి సంవత్సరానికి (2020-21) వృద్ధి రేటు క్షీణత అంచనాను 7.4 శాతం నుంచి 7 శాతానికి సవరించింది.
2020-21 ప్రథమార్ధంలో (ఏప్రిల్-సెప్టెంబర్)లో దేశ వృద్ధి రేటు 15.7 శాతం క్షీణించింది. ఒకవేళ ఎస్బీఐ విశ్లేషణలు నిజమైతే ద్వితీయార్ధంలో వృద్ధి రేటు 2.8 శాతంగా నమోదయ్యే అవకాశాలున్నాయి.
41 హై ఫ్రీక్వెన్సీ సూచీలు 51 శాతం ప్రస్తుత ఆర్థిక సవంత్సరం మూడో త్రైమాసికం నుంచి సానుకూల వృద్ధి రేటు నమోదయ్యే అవకాశాలను సూచిస్తున్నట్లు.. ఎస్బీఐ ముఖ్య ఆర్థిక సలహదారు సౌమ్య కాంతి ఘోశ్ వెల్లడించారు. మూడో త్రైమాసికంలో 0.3 శాతం వృద్ధి రేటు నమోదు కావొచ్చని తెలిపారు. క్యూ4లో ఏకంగా 2.8 శాతం వృద్ధి రేటు నమోద కావొచ్చని అంచనా వేశారు.
వచ్చే ఆర్థిక సంవత్సరం (2021-22) వృద్ధి రేటు అంచనాను 11 శాతం వద్ద ఉంచింది ఎస్బీఐ. ఇదే కాలానికి ఆర్బీఐ ఇటీవల విడుదల చేసిన అంచనాల్లో వృద్ధి రేటు 10.5 శాతంగా నమోదవ్వచ్చని పేర్కొంది. ఆర్థిక సర్వే అంచనా 11.5 శాతంగా ఉండటం గమనార్హం.