దేశంలోని ఇతర రాష్ట్రాలు, కేంద్రపాలిత ప్రాంతాలతో పోలిస్తే.. దక్షిణాది రాష్ట్రాల్లోని కుటుంబాల అప్పులు(Household Debt) గణనీయంగా పెరిగిపోయాయి. ఈ విషయం అఖిల భారత అప్పులు, పెట్టుబడుల సర్వే (ఏఐడీఐఎస్)(Aidis Survey) 2013-19 నివేదిక ద్వారా తెలిసింది. దక్షిణాది రాష్ట్రాల్లో గ్రామీణ ప్రాంతాలతో పాటు పట్టణ ప్రాంతాల్లోని కుటుంబాల అప్పులు(Household Debt) కూడా అధికంగానే ఉన్నాయని వెల్లడైంది.
నివేదికలోని కీలక అంశాలు..
- 2019లో గ్రామీణ ప్రాంతాల్లోని కుటుంబాల అప్పుల్లో తెలంగాణ 67.2శాతంతో ప్రథమ స్థానంలో ఉండగా.. నాగాలాండ్ 6.6శాతంతో చివరి స్థానంలో ఉంది.
- పట్టణ ప్రాంత అప్పుల్లో కేరళ 47.8శాతంతో మొదటి స్థానంలో ఉండగా.. మేఘాలయ కేవలం 5.1శాతంతో చివరి స్థానంలో ఉంది.
- రాష్ట్రాల వారీగా.. గ్రామీణ ప్రాంతాల్లోని కుటుంబాల అప్పుల్లో ఉత్తరాఖండ్ చివరిస్థానంలో ఉండగా.. పట్టణ ప్రాంత అప్పుల్లో ఛత్తీస్గఢ్ చివరి స్థానంలో ఉంది.
- అయితే.. రాష్ట్రాల తలసరి ఆదాయం మిగతా రాష్ట్రాలతో పోలిస్తే దక్షిణాదిలోనే అధికంగా ఉంది.
- ఆంధ్రప్రదేశ్, కేరళ, తమిళనాడు, తెలంగాణలో కుటుంబాల ఆస్తుల విలువ.. గ్రామీణ, పట్టణ ప్రాంతాల్లో అధికంగా ఉంది. కుటుంబ ఆస్తుల విలువలో దేశీయ సగటు కంటే కర్ణాటకలో అధికంగా ఉంది.