కరోనా చికిత్సకు సంబంధించి అత్యవసర వస్తువులు, బ్లాక్‌ ఫంగస్‌ ఔషధాలపై పన్నుల తగ్గింపుపై చర్చే ప్రధాన అజెండాగా వస్తు, సేవల పన్ను కమిటీ ఈనెల 12న భేటీ కానుంది. కేంద్ర ఆర్థికమంత్రి నిర్మలాసీతారామన్‌ అధ్యక్షతన శనివారం ఈ సమావేశం జరుగుతుందని అధికారులు తెలిపారు.
మే నెలాఖరులో జరిగిన జీఎస్టీ కౌన్సిల్‌ సమావేశంలో ఏర్పాటు చేసిన మంత్రివర్గ సంఘం (జీఓఎం) నివేదిక సమర్పించిన నేపథ్యంలో ఈ నెల 12న భేటీ కావాలని జీఎస్టీ మండలి నిర్ణయించింది. కేంద్ర ఆర్థికమంత్రి నిర్మలాసీతారామన్‌ అధ్యక్షతన శనివారం కౌన్సిల్‌ భేటీ కానున్నట్లు అధికారులు వెల్లడించారు. ఈ సమావేశంలో కరోనా చికిత్సకు అత్యవసర వస్తువులు, బ్లాక్‌ ఫంగస్‌ ఔషధాలపై పన్నులు తగ్గించే అంశంపై నిర్ణయం తీసుకోనున్నట్టు సమాచారం.